भर चौकात गोळीबार! काही सेकंदातच वाळू माफीयाचा खेळ खल्लास, पोलीस घटनास्थळी पोहोचले अन्..

मिळालेल्या माहितीनुसार, पाचोरा बस स्थानक परिसरात भरदिवसा गोळीबार झाला. या गोळीबारात आकाश मोरे (25) या युवकाचा जागीच मृत्यू झाला. या घटनेमुळे परिसरात भीतीचे आणि तणावाचे वातावरण निर्माण झाले आहे. आकाश मोरेवर अज्ञात इसमाने गोळ्या झाडल्या. त्यामुळे तो जागीच कोसळला आणि त्याचा मृत्यू झाला. 

त्या ठिकाणी नेमकं घडलं तरी काय?

गोळीबार झाल्यानंतर परिसरात एकच खळबळ उडाली. स्थानिक नागरिकांनी पोलिसांना या घटनेची माहिती दिली. त्यानंतर पोलिसांनी तातडीनं घटनास्थळी धाव घेतली. पोलिसांनी परिसर सील केला असून, सीसीटीव्ही फुटेज तपासले जात आहेत. हत्या नेमकी कोणत्या कारणाने झाली, हे अद्याप स्पष्ट झालेले नाही. प्राथमिक तपास सुरू असून, आकाश मोरे याचा पूर्वीचा कुठला वाद होता का? याचाही तपास पोलिसांकडून केला जात आहे.

हे ही वाचा >> 'आमच्या दोघांमध्ये अंतरपाट होता तो अनाजीपंतांनी केला दूर', उद्धव ठाकरेंनी का केली अशी टीका?

त्या पोलीस अधिकाऱ्याचीही केली निर्घृण हत्या

वलगांव पोलीस ठाण्यातील असिस्टंट सब इन्स्पेक्टर (ASI) अब्दुल कलाम यांची धारदार शस्त्राने हत्या करण्यात आली. मागील आठवड्यात शनिवारी घटना घडली होती. ड्युटी संपल्यावर बाईकवरून घरी परतत असताना हल्लेखोरांनी त्यांची निर्घृण हत्या केली होती. अब्दुल कलाम यांच्या पोटात आणि छातीत धारदार शस्त्राने अनेक वार करण्यात आले. या हल्ल्यात त्यांचा जागीच मृत्यू झाला. हल्ला करणारे सर्व आरोपी घटनास्थळावरून पसार झाले.

हे ही वाचा >> Raj-Uddhav Thackeray: 'जे बाळासाहेबांना, जमलं नाही.. ते फडणवीसना जमलं', राज ठाकरे असं का म्हणाले?

मात्र, पोलिसांनी तातडीनं कारवाई करत दोन विशेष तपास पथके स्थापन केली.अवघ्या 12 तासांत हत्येत सहभागी असलेल्या दोन आरोपींना अटक करण्यात यश आलं. अटक करण्यात आलेल्या आरोपींची ओळख जियाउद्दीन अहसानुद्दीन (22) आणि आवेज अयूब खान (22) अशी आहे. तिसरा आरोपी फाजिल साबिर खान (23) याच्या पायाला फ्रॅक्चर झाल्याने त्याला रुग्णालयात दाखल करण्यात आलं.