छावा समाजात फुट पाडणारा सिनेमा, पण त्याचा मुख्य उद्देश शौर्य..', A. R. Rahman यांचं वक्तव्य

हेही वाचा : मुंबई महापालिकेत मविआ सत्तेपासून 15 जागा दूर राहिली, अन् ठाकरे गट अन् काँग्रेसला 30 जागांवर मतविभाजनचा फटका

2025 मध्ये ‘छावा’ सिनेमाची छप्परफाड कमाई

अभिनेता विक्की कौशल याच्या प्रमुख भूमिकेत असलेल्या ‘छावा’ या चित्रपटाने 2025 साली बॉक्स ऑफिसवर जोरदार कमाई केली. या चित्रपटात स्वराज्यरक्षक छत्रपती संभाजी महाराज आणि मुघल बादशहा औरंगजेब यांच्यातील संघर्ष दाखवण्यात आला आहे. या चित्रपटानंतर महाराष्ट्रातील काही भागांत तणावाचे वातावरणही निर्माण झाले. आता या संपूर्ण वादावर संगीतकार ए. आर. रहमान यांनी उघडपणे आपली भूमिका मांडली आहे.

अलीकडेच बीबीसी एशियन नेटवर्कला दिलेल्या मुलाखतीत A. R. Rahman  यांनी कबूल केले की ‘छावा’ हा असा चित्रपट आहे, ज्याने समाजातील ध्रुवीकरणाचा, म्हणजेच समाज दोन भागांत विभागणाऱ्या वातावरणाचा काही अंशी फायदा घेतला. 

A. R. Rahman पुढे बोलताना म्हणाले, “चित्रपटाच्या कथेत नक्कीच काही असे घटक होते, जे विभाजन घडवणारे होते. मात्र त्यामागील मुख्य उद्देश शौर्य आणि पराक्रम दाखवणे हाच होता. मी स्वतः दिग्दर्शकाला विचारले होते की या चित्रपटासाठी त्यांना माझीच गरज का आहे. त्यावर त्यांनी सांगितले की, या विषयाला योग्य न्याय देण्यासाठी माझ्या संगीताची आवश्यकता आहे.”

इतर महत्त्वाच्या बातम्या 

मुंबई महापालिकेत मविआ सत्तेपासून 15 जागा दूर राहिली, अन् ठाकरे गट अन् काँग्रेसला 30 जागांवर मतविभाजनचा फटका