अभिनेत्री सोनाली बेंद्रेच्या अडचणीत वाढ, मावळमधील शेतकऱ्याची थेट न्यायालयात धाव, नेमकं प्रकरण काय?

संपूर्ण प्रकरण नेमकं काय? 

फिर्यादीच्या म्हणण्यानुसार, कुळकायद्यानुसार 1957 पूर्वीपासून ताब्यात असलेल्या 30 गुंठे जमिनीवर त्यांचा हक्क आहे. मात्र, खोट्या कागदपत्रांच्या आधारे हा हक्क डावलून ती जमीन सोनाली बेंद्रे आणि गोल्डी बेहल यांनी खरेदी केल्याचा गंभीर आरोप करण्यात आला आहे. याशिवाय, संबंधित जागेवर बेकायदेशीर बांधकामाचा प्रयत्न करण्यात आल्याचाही दावा करण्यात आला आहे.

हेही वाचा : मुंबईची खबर : उन्हाळ्याच्या सुट्टीत गोव्याला जाणाऱ्या मुंबईकरांसाठी खुशखबर, मध्य रेल्वेने सुरु केलीये स्पेशल ट्रेन; असे आहे वेळापत्रक

जमीन पाहणीदरम्यान शिंदे कुटुंबीयांना दमदाटी केल्याचा आरोप 

फिर्यादी पक्षाचे वकील वनराज शिंदे यांनी आरोप केला की, जमीन पाहणीदरम्यान शिंदे कुटुंबीयांना दमदाटी करण्यात आली. या प्रकरणी यापूर्वी पोलिसांत तक्रारीही दाखल करण्यात आल्या होत्या. मात्र, हे प्रकरण दिवाणी स्वरूपाचे असल्याने न्यायालयात दाद मागण्यात आली आहे.

सध्या न्यायालयाकडे मनाई आदेशाची मागणी करण्यात आली असून, या प्रकरणाची पुढील सुनावणी 20 एप्रिल रोजी होणार आहे. या घडामोडींमुळे उकसान गावात खळबळ उडाली आहे.

दरम्यान, सोनाली बेंद्रे यांचे वकील राजू शिंदे यांनी सर्व आरोप फेटाळून लावले आहेत. फिर्यादी शेतकरी प्रसिद्धी मिळवण्यासाठी आणि पैसे उकळण्याच्या उद्देशाने सोनाली बेंद्रे व गोल्डी बेहल यांची बदनामी करत असल्याचा दावा त्यांनी केला आहे.

इतर महत्त्वाच्या बातम्या 

Govt Jobs : सरकारी नोकरीचे स्वप्न होणार पूर्ण! BSNL मध्ये इंजिनिअर्ससाठी मोठी संधी; जाणून घ्या सविस्तर