गेल्यावर्षी असा झाला होता सोनाली आणि कुणालचा साखरपुडा!

काल मराठी अभिनेत्री सोनाली कुलकर्णीने वाढदिवसाच्या दिवशी चाहत्यांना लग्न करून सुखद धक्का दिला. तर गेल्यावर्षी म्हणजेच 2020 मध्येही वाढदिवसाच्या दिवशी साखरपुड्याचे फोटो करत तिने गोड बातमी दिली होती.

सोनालीने साखरपुड्याचे फोटो तिच्या सोशल मीडिया अकाऊंटवरून शेअर केले होते. त्यावेळी सोनालीने “2 फेब्रुवारी 2020 रोजी आमचा साखरपुडा झाला. आमचा हा आनंद तुमच्यासोबत शेअर करण्यासाठी आजच्या पेक्षा दुसरा दिवस असूच शकत नाही, असं मला वाटतं. तुमचे आशिर्वाद कायम पाठीशी असू द्या”, असं म्हटलं होतं.

लग्नाप्रमाणेच तिचा साखरपुड्याचा सोहळाही दुबईमध्ये पार पडला होता

दुबई मरिना या ठिकाणी मोजक्या कुटुंबीयांच्या उपस्थितीत हा छोटेखानी सोहळा पार पडला.

सोनाली आणि कुणाल यांच्या घरच्या घरी पार पडलेल्या या साखरपुडा समारंभासाठी केवळ दोघांचे कुटुंबिय उपस्थित होते.

साखरपुड्याच्या दिवशी अगदी कांजीवरम साडी, पारंपारिक दागिने तसंच केसात गजरा अशा पारंपारिक लूकमध्ये सोनाली खुलून दिसत होती.

साखरपुड्याच्या एका वर्षानंतर कुणाल आणि सोनालीने लग्नगाठ बांधली आहे