Generation Beta : आजपासून जन्माला येणारी मुलं जनरेशन बीटा... कशी ठेवली जातात जनरेशनची नावं?

साधारणपणे कोणत्याही पिढीचं नाव त्या काळातील ऐतिहासिक, सांस्कृतिक आणि आर्थिक घटनांच्या आधारे ठरवले जाते. एखाद्या पिढीची सुरुवात आणि शेवट त्या काळातील काही महत्त्वाच्या घटनेच्या आधारे (युद्ध, आर्थिक वाढ किंवा कोणताही मोठा तांत्रिक बदल) ठरवला जातो. या पिढ्या सहसा 15-20 वर्षांच्या कालावधीसाठी ठरवल्या जातात.

पिढ्यांची नावं आणि त्यामागच्या कथा...

1. जनरेशन Z: 1997-2009

1997 ते 2009 या काळात जन्माला आलेल्या पिढीला जन्मत:च इंटरनेट आणि सोशल मीडियासारखे प्लॅटफॉर्म मिळाले. डिजिटल युगात वाढणारी ही पिढी स्मार्टफोन आणि इंटरनेटशिवाय जगण्याची कल्पनाही करू शकत नाही. डिजिटल युगात सोशल मीडियावरून पैसे कसे कमवायचे हे या पिढीला चांगलंच माहीत आहे.

हे ही वाचा >> New Rule 2025 : नवीन वर्षात बदलणार 'हे' 10 मोठे नियम! तुमच्या खिशाला लागणार कात्री?

2. जनरेशन अल्फा: 2010-2024

2010 ते 2024 ही पहिलीच पिढी आहे जिच्या जन्मापूर्वीच सोशल मीडिया आणि इंटरनेट प्लॅटफॉर्म आलेले होते. ही सध्याची सर्वात तरुण नवीन पिढी आहे. या पिढीतील मुलांचे पालक इंटरनेट, मोबाईल फोन आणि सोशल मीडियाच्या सहाय्याने मोठे झाले आहेत.

हे ही वाचा >> Optical Illusion : मांजर पाळणं सोपं पण शोधणं कठीण! गरुडासारखी नजर असणाऱ्यांनाच दिसेल फोटोत लपलेली मांजर

3. जनरेशन बीटा: 2025-2039

2025 ते 2039 जनरेशन बीटा या काळात  अर्थातच आज 1 जानेवारी 2025 पासून सुरू होईल. 2025 मध्ये जन्माला येणाऱ्या मुलांना 'बीटा किड्स' म्हटलं जाईल. ही मुलं अशा जगात वाढतील जिथं तंत्रज्ञान हा जीवनाचा अविभाज्य भाग असेल. जनरेशन बीटामध्ये जन्माला येणाऱ्यांच्या जीवनात आर्टिफिशियल इंटेलिजन्स (AI) चा चांगलाच प्रभाव असणार आहे.