PAN-Aadhaar लिंक करण्याचा शेवटचा दिवस, उद्यापासून 1000 रुपये दंड; पॅनकार्ड असं करा लिंक!

वास्तविक, पॅनकार्ड आधारशी जोडण्याची शेवटची तारीख 31 मार्च 2021 आहे. जर आपण आपला पॅन नंबर 31 मार्चपूर्वी आधारशी लिंक केला नाही तर आपले पॅनकार्ड पुढील महिन्यापासून निष्क्रिय होईल. इतकेच नाही तर 31 मार्चनंतर पॅनकार्ड आणि आधार लिंक करण्यासाठी तुम्हाला दंड म्हणून 1000 रुपये मोजावे लागतील.

Fact Check- मार्चनंतर 5,10 आणि 100 च्या नोटा बंद होणार?

गेल्या आठवड्यात सरकारने लोकसभेत वित्त विधेयक 2020 मंजूर केले ज्यामध्ये नवीन कलम 234H समाविष्ट करण्यात आलं आहे. ज्या अंतर्गत पॅनकार्ड आधारशी लिंक करण्यास उशीर केल्यास 1000 रुपयांपर्यंत दंडाची तरतूद करण्यात आली आहे.

जर आपण वेळेपूर्वी पॅन-आधार लिंक न केल्यास त्याचे दोन मोठे तोटे आहेत. पहिला म्हणजे आपलं पॅन कार्ड 1 एप्रिल 2021 नंतर अमान्य होईल. तर दुसरा तोटा म्हणजे जर तुम्ही 31 मार्चनंतर लिंक करण्याचा प्रयत्न केला तर तुम्हाला 1000 रुपये लेट फी म्हणून द्यावी लागेल. ITR फायलिंगपासून बँकेच्या KYC पर्यंत पॅनकार्ड आणि आधार या दोन्ही गोष्टी प्रत्येक ठिकाणी आवश्यक असतं. दोन्ही कागदपत्रांपैकी एक तरी गोष्ट आपल्याजवळ असणं गरजेचं आहे.

वास्तविक, पॅन कार्ड प्रत्येक आर्थिक कामासाठी एक महत्त्वपूर्ण असा पुरावा मानला जातो. बँक खाते उघडण्यासाठी आणि म्युच्युअल फंड किंवा स्टॉक मार्केटमध्ये गुंतवणूक करण्यासाठी देखील पॅनकार्ड आवश्यक आहे. याशिवाय 50,000 रुपयांच्या वरील व्यवहारांसाठी देखील पॅनकार्डही आवश्यक आहे.

Union Budget 2021 : पाकिस्तानवर आजही भारताचं 300 कोटींचं कर्ज

पाहा पॅनकार्ड आधारशी कसं लिंक कराल:

• सगळ्यात आधी इन्कम टॅक्सच्या वेबसाइट incometaxindiaefiling.gov.in वर आपल्याला जावं लागेल.

• येथे डाव्या बाजूला तुम्हाला आधार लिंकचा पर्याय दिसेल..

• यानंतर एक नवं पेज सुरु होईल, ज्याच्यावर लाल रंगामध्ये लिहलं असेल Click here

• जर आपण आधीच आपलं पॅन आणि आधार लिंक केलं असेल तर याच्या स्टेट्सवर क्लिक करुन व्हेरिफाय देखील करु शकता.

• जर आपलं पॅनकार्ड हे आधारशी लिंक झालं नसेल तर Click here च्या खाली दिलेल्या बॉक्समध्ये पॅन, आधार नंबर, आपलं नाव आणि दिलेला कॅप्चा कोड अशी माहिती भरावी लागेले.

• यानंतर Link Aadhaar या बटणावर आपल्याला क्लिक करावं लागेल. यासोबतच लिंकिंगची प्रक्रिया पूर्ण होईल.

• याशिवाय आपण 567678 किंवा 56161 या क्रमांकावर SMS पाठवून देखील आधारशी पॅनकार्ड लिंकिंगचं आपलं स्टेट्स काय आहे त्याची माहिती घेऊ शकता.

• उदाहरणार्थ: UIDPAN टाइप कर आपल्याला एसएमएस करावा लागेल.