ठाकरेंच्या नेत्याला बावनकुळेंचं निमंत्रण; ‘झणझणीत सावजी की पाटोडी’चा बेत?

त्याचवेळी तिथं आलेल्या शिवसेना (ठाकरे गट) नेते आणि विधानसभेचे मुख्य प्रतोद सुनिल प्रभू यांच्याशीही बावनकुळे यांनी मनमोकळ्या गप्पा मारल्या. यावेळी बोलताना बावनकुळेंनी प्रभू यांना जेवणासाठीही निमंत्रण दिलं. तसंच प्रभू यांनीही अजून दोन दिवस नागपूरमध्येचं असून फोन करुन येण्याचही मान्य केलं. हे सर्व नेते एकमेकांशी अगदी हसत गप्पा मारताना बघून आजूबाजूला उभ्या असलेल्या कार्यकर्त्यांनाही काहीसा सुखद धक्का बसला.

चंद्रशेखर बावनकुळे हे मुळचे नागपूरचे आहेत. त्यांनी यापूर्वीही अधिवेशनाच्या दरम्यान आणि दौऱ्यांच्या दिवसांमध्ये भाजपच्या आणि मित्रपक्षातील नेत्यांसाठी जेवणाचा बेत केला आहे. आता सुनिल प्रभूंसाठी ते झणझणीत सावजी मटण आणि रस्स्याचा बेत करतात की सुप्रसिद्ध शाकाहारी पाटोडीच्या भाजीचा बेत करतात हे पाहण औत्सुक्याचं ठरणार आहे.