Narayan Rane: ‘थांब रे, मध्ये बोलू नको’, पाहा नारायण राणे विरोधी पक्ष नेते प्रविण दरेकरांना असं का म्हणाले!

याच दौऱ्यादरम्यान, नारायण राणेंचा एक व्हीडिओ सध्या खूपच व्हायरल होत आहे. ज्यामध्ये राणेंनी थेट दरेकरांनाच असं म्हटलं की, ‘थांब रे, मध्ये बोलू नको’… हा संपूर्ण प्रकार देवेंद्र फडणवीस यांच्यासमोर घडला आहे.

विधान परिषदेचे विरोधी पक्ष नेते असणाऱ्या प्रविण दरेकर यांना थेट सर्वांसमोर गप्प राहा असं नारायण राणे यांनी म्हटल्याने आता याविषयी अनेक उलटसुलट चर्चा सुरु झाल्या आहेत.

मुसळधार पावसाने कोकण किनारपट्टीला चांगलंच झोडपून काढल्याने कोकणातील अनेक भागात विशेषत: चिपळूणमध्ये महापूर (Chiplun Floods) आला होता. ज्यामुळे येथे कोट्यवधी रुपयांचं नुकसान झालं आहे. याच पार्श्वभूमीवर नारायण राणे हे कोकण दौऱ्यावर आले होते. यावेळी त्यांनी महाडमधील तळीये गावाला देखील भेट दिली होती. ज्यानंतर ते चिपळूणला रवाना झाले होते.

याचवेळी नारायण राणें यांचा संताप उफाळून आला होता. जेव्हा राणे चिपळूणमध्ये पोहचले तेव्हा अधिकारी वर्ग तिथे उपस्थित नव्हता. त्यामुळे राणे चांगलेच संतापले होते. त्यांनी सर्वांसमक्षच संबंधित अधिकाऱ्याला झापलं. राणे अधिकाऱ्याला बोलत असतानाच प्रविण दरेकर हे काही तरी बोलण्याचा प्रयत्न करत असताना राणें त्यांनी देखील टोकलं. ज्याचा व्हीडिओ आता व्हायरल होऊ लागला आहे.

Chiplun Flood: ‘…म्हणून शिवसेनेचा जळफळाट झाला’, Narayan Rane यांची जोरदार टीका

नेमकं काय म्हणाले नारायण राणे?

• नारायण राणे- का नाही आलात तिथे? तुम्ही कोण आहात?

• अधिकारी – वडेट्टीवार साहेब आले होते तिथे होतो

• नारायण राणे – वडेट्टीवार काय नाव मला माहित नाही, ते आहेत मग आम्ही कोण आहोत..

• अधिकारी – आम्ही आलो साहेब लगेच इथे..

• नारायण राणे- आलो म्हणजे काय?, आम्ही किती वाजता आलो… विरोधी पक्ष नेते आहेत आम्ही आहोत.. सॉरी नाही म्हणणार लावणार तुम्हाला बरोबर कामाला.. तुम्हाला सोडू का त्या मॉबमध्ये सोडू का?

• प्रविण दरेकर काहीतरी बोलण्याच्या प्रयत्नात

• नारायण राणे – प्रविण दरेकर यांच्या दिशेने हात करुन म्हणाले.. ‘थांब रे मध्ये बोलू नको’

• नारायण राणे – मॉबमध्ये सोडून येऊ का तुम्हाला?

• काय चेष्टा समजली आहे का? एवढे लोकं रडतायेत त्यांच्या डोळ्यात अश्रू आहेत, त्यांचं आयुष्य उद्धवस्त झालं आणि तुम्ही हसताय. दात काढताय?

• अधिकारी – हसत नाही सर, मी पहिल्यापासूनच इथे आहे.

• नारायण राणे- इथं काय करता, इकडे ऑफिसमध्ये काय? तिकडे यायला पाहिजे ना तुम्ही.. चला दाखवा ऑफिस तुमचं कुठं आहे.

‘सीएम वगैरे गेले उडत’, नारायण राणेंचा अधिकाऱ्यांवर संताप

दरम्यान, याचवेळी ‘सीएम वैगरे गेले उडत’ असं देखील राणे म्हणाले होते. ‘सीएम बीएम गेला उडत. आम्हाला कुणाचीही नावं सांगू नका. प्रांत अधिकारी सांगतो पालकमंत्र्यांसोबत आहे तुम्ही सांगताय सीएमसोबत आहे. मग इथे कोण आहे?’

‘इथे तुमचा एक तरी अधिकारी उपस्थित आहे का? आत्तापर्यंत तुम्हाला स्वस्थ बसू दिलं. आता जागेवर बसू देणार नाही. मला कुणीही सीईओ वगैरे भेटलेला नाही, मी बाजारपेठेतच उभा आहे, कुठे आहेत सीईओ दाखवा’ असं म्हणत नारायण राणे यांनी जिल्हाधिकाऱ्यांना झापलं होतं.