ऐकावं ते नवलच! माणसाच्या शरीरात डुकराचं हृदय बसवलं, आता कशी आहे रूग्णाची प्रकृती?

मंगळवारीच शरद पवारांवर का करण्यात आली शस्त्रक्रिया? डॉक्टरांनी सांगितलं कारण

युनिव्हर्सिटी ऑफ मेरीलँड मेडिकल स्कूलने सोमवारी एक पत्रक जारी केलं. त्यांनी ही शस्त्रक्रिया म्हणजे ऐतिहासिक पाऊल आहे असं म्हटलं आहे. ट्रान्सप्लांट केल्यानंतर रूग्णाच्या आजारावर उपचार केले जाणं अद्याप निश्चित नाही मात्र डुकराचं हृदय माणसाला लावण्याची ही शस्त्रक्रिया आरोग्य क्षेत्रातला मैलाचा दगड ठरण्याची शक्यता आहे.

एका न्यूज एजन्सी दिलेल्या माहितीनुसार मेरीलँड या ठिकाणी राहणारे डेव्हिड बेनेट नावाच्या एका माणसाला गंभीर आजार होते. हार्ट ट्रान्सप्लांट त्यांच्यासाठी योग्य नव्हतं. मात्र त्यांचा जीव वाचणं महत्त्वाचं होतं. त्यामुळे लवकर निर्णय घेणं आवश्यक होतं. कारण डेव्हिड यांची प्रकृती बिघडत होती. शेवटी डेव्हिड यांच्या शरीरात डुकराचं हृदय लावण्यात आलं.

ट्रान्सप्लांटनंतर कशी आहे रूग्णाची प्रकृती?

डेव्हिड यांना ट्रांसप्लांट केल्यानंतर डेव्हिड बेनेट यांची प्रकृती आता सुधारते आहे. हे हृदय त्यांच्या शरीरात कसं काम करतं आहे यावर अमेरिकेतले डॉक्टर आणि सर्जन लक्ष ठेवून आहेत. डेव्हिड यांचं निरीक्षण केलं जातं आहे. डेव्हिड गेल्या काही महिन्यांपासून अंथरूणाला खिळून आहेत. हार्ट लंग बायपास मशीनच्या आधारे ते जगत होते. डेव्हिड म्हणाले की माझ्याकडे दोनच पर्याय उरले होते की हार्ट ट्रान्सप्लांट करावं किंवा मरण पत्करी. मी जगणं निवडलं. ट्रान्सप्लांट हे अंधारात तीर चालवण्यासारखं होतं. मात्र माझ्यासाठी हा शेवटचा पर्याय होता. आता मी ठीक आहे आणि रुग्णालयातून बाहेर येण्यास उत्सुक आहे असंही डेव्हिड यांनी सांगितलं आहे.

डॉक्टरांनी दिलेल्या माहितीनुसार ट्रान्सप्लांटची ही प्रक्रिया आम्ही केली आहे ती सावधगिरी बाळगली आहे. आम्ही आशावादी आहोत ही सर्जरी यशस्वी झाली आहे त्यानंतर हे वाटतं आहे की भविष्यात प्रत्यारोपणासाठीचं एक महत्त्वाचं पाऊल ठरू शकतं.