गडचिरोली: पोलीस आणि नक्षलवाद्यांमध्ये तुफान चकमक, काय घडतंय नेमकं?

कालपासून ही चकमक जारी असून यात एक जवान जखमी असल्याची माहिती पुढे आली आहे. अडचणीत असलेल्या जवानांच्या दिमतीला गडचिरोली पोलिसांचे हेलिकॉप्टर तैनात केले गेले असून अहेरीच्या प्राणहिता पोलिस मुख्यालयातून अतिरिक्त पोलीस कुमक कोपर्शी जंगल परिसरात पाठविण्यात आली आहे.

नक्षलवादी भागातील तरुणांना पोलिसांच्या मदतीने मिळणार नोकऱ्या

या चकमकीच्या घटनेला वरिष्ठ पोलिस अधिकाऱ्यांनी दुजोरा दिला असून नक्षलविरोधी दलं सुखरूप परत येईपर्यंत अधिक प्रतिक्रिया देण्यास नकार दिला आहे. दरम्यान, सूत्रांकडून अशी माहिती मिळाली आहे की, घटनास्थळी जवळजवळ 270 पोलीस कर्मचारी आहे. तसेच महाराष्ट्र सरकारकडून वायूसेनेची देखील मदत घेण्यात आली आहे.

दरम्यान, यामुळे येथील संपूर्ण भागातील वातावरण सध्या तणावाचं बनलं आहे. नक्षलवाद्यांकडून सातत्याने पोलिसांना टार्गेट केलं जात आहे. त्यामुळेच आता नक्षलवाद्यांविरोधात मोठी मोहीम उघडण्यात आली आहे.