रिंकू राजगुरु ‘या’ दिग्गज अभिनेत्यासोबत झळकणार बॉलिवूडमध्ये

अभिनेत्री रिंकू राजगुरू सध्या दिग्दर्शक सार्थक दासगुप्ता यांच्यासोबत त्यांच्या प्रोजक्टमध्ये काम करतेय. सार्थक दासगुप्ता त्यांच्या सोशल मीडिया अकाऊंटवरून फोटोस आणि व्हिडीयोस शेअर करत असतात. नुकतंच त्यांनी एक फोटो शेअर केला असून त्यामध्ये अमोल पालेकर दिसतायत. अमोल पालेकर यांचा पोशाख पाहून ते वकिलांची भूमिका साकारत असल्याचं दिसतंय. तर यापूर्वी त्यांनी रिंकूचा फोटोही शेअर केला होता ज्यामध्ये ती कोर्टात बसलेली होती.

मुंबईतील लाइमलाइट स्टुडियओत या चित्रपटाचं शूटिंग सुरु आहे. दरम्यान अजूनही या सिनेमाचं नाव अजून समोर आलेलं नाही. मात्र यामध्ये रिंकू राजगुरु आणि अमोल पालेकर एकत्र काम करणार आहेत.

रिंकूने नुकतंच छूमंतर या मराठी चित्रपटाचं शूटींगही लंडनमध्ये पूर्ण केलंय. या मराठी चित्रपटात रिंकूसोबत सुव्रत जोशी, ऋषी सक्सेना तसंच अभिनेत्री प्रार्थना बेहरे प्रमुख भूमिकेत झळकणार आहेत. या सिनेमाचं दिग्दर्शन समीर जोशी यांनी केलं आहे.