एकनाथ खडसेंवर गुन्हा दाखल, नेमकं प्रकरण काय?

पोलीस आणि गृहमंत्र्यांबाबतही अपशब्द वापरल्याचा आरोप 

मिळालेल्या माहितीनुसार, गौण खनिज प्रकरणात गुन्हा का दाखल करण्यात आला नाही, याबाबत माहिती घेण्यासाठी एकनाथ खडसे सावदा पोलीस ठाण्यात गेले होते. यावेळी पोलिसांसोबत झालेल्या संभाषणादरम्यान त्यांनी अर्वाच्य भाषेत बोलल्याचा आणि अरेरावी केल्याचा आरोप करण्यात आला आहे. तसेच गृहमंत्र्यांबाबतही अपशब्द वापरल्याचे फिर्यादीत नमूद करण्यात आले आहे.

हेही वाचा : सातारा जिल्ह्यात पत्नीच्या कथित प्रियकराची हत्या! मृतदेहाशेजारी बसून 191 किमी प्रवास, पोलीस दलातील हवालदाराचं कांड

एकनाथ खडसे यांच्याकडून आरोपांचे खंडन 

दरम्यान, एकनाथ खडसे यांनी या सर्व आरोपांचे खंडन केले आहे. आपण केवळ गौण खनिज प्रकरणासंदर्भात माहिती विचारण्यासाठी पोलीस ठाण्यात गेलो होतो, असे त्यांनी स्पष्ट केले आहे. संभाषणादरम्यान पोलीस निरीक्षकांबाबत चुकीने एक शब्द उच्चारला गेला असल्याचे मान्य करत त्याबद्दल आपण तात्काळ माफीही मागितल्याचा दावा त्यांनी केला आहे.

या प्रकरणामुळे राजकीय वर्तुळात चर्चा सुरू झाली आहे. पोलिसांनी नोंदवलेल्या गुन्ह्याच्या पार्श्वभूमीवर पुढील कायदेशीर प्रक्रिया काय होणार, तसेच खडसे यांच्यावर कोणती कारवाई केली जाणार, याकडे सर्वांचे लक्ष लागले आहे.

इतर महत्त्वाच्या बातम्या 

Maharashtra Weather : राज्यात 'या' विभागात कडाक्याचं तापमान वाढण्याची शक्यता, पुढील काही तास महत्त्वाचे