Saif Ali Khan Case : "सैफ हल्लेखोराला भिडला म्हणून जहांगीर...", करीना कपूरचा वांद्रे पोलिसांना जबाब

हे ही वाचा >> Anjali Damania : DCC बँक घोटाळ्यात उज्ज्वल निकमांच्या मुलाकडूनच मुंडेंची वकिली? दमानियांचा दावा काय?

करीनाने आपल्या जबाबात असंही सांगितलं की, हल्लेखोराने घरातून काहीही चोरलं नाही, पण तो भयंकर आक्रमक होता. त्याने सैफला अनेकदा भोसकलं. हल्ल्यानंतर मी घाबरलेली असल्यानं करिश्माने मला तिच्या घरी नेलं असं करीनाने सांगितलं आहे.

दरम्यान, 15 जानेवारीला बुधवारी रात्री 2 वाजेच्या सुमारास अभिनेता सैफ अली खान याच्या घरात चोर घुसला. सैफच्या मुलांना सांभाळणाऱ्या बाईने चोराला घरात पाहिलं आणि तिने जोरजोरात आरडाओरडा सुरू केला. हाच आरडाओरडा ऐकून सैफ अली खान हा झोपेतून जागा झाला आणि त्याने आवाजाच्या दिशेने तात्काळ धाव घेतली. यावेळी आपल्या कुटुंबाला वाचवण्यासाठी त्याने चोराशी झटापट केली. पण यावेळी चोरट्याने सैफवर थेट चाकूने हल्ला चढवला आणि एकामागून एक तब्बल सहा वार केले.

हे ही वाचा >> Solapur Truck Accident : आईसोबत ट्यूशनला निघालेल्या चिमुकलीला ट्रकने चिरडलं, सोलापुरात संताप

पोलीस सूत्रांनी दिलेल्या माहितीनुसार, शाहिदविरुद्ध घरफोडीचे 4-5 गुन्हे आधीच दाखल आहेत. तथापि, शाहिद हाच सैफ अली खानवर हल्ला करणारा व्यक्ती आहे की नाही याची पुष्टी अद्याप तरी पोलिसांनी केलेली नाही. सध्या पोलीस शाहिदला संशयित मानून त्याची चौकशी करत आहेत.