Mumbai Crime: मुंबईत धक्कादायक घटना! कांदिवलीच्या शाळेत ११ वर्षीय विद्यार्थीनीचा विनयभंग, शिक्षकावर गुन्हा दाखल

कांदिवली पोलिसांनी दिलेल्या माहितीनुसार, जुलै महिन्याच्या शेवटी शाळेतील शिक्षकाने वर्ग संपल्यानंतर अल्पवयीन मुलील बाहेर बोलावून तिला चुकीच्या पद्धतीनं स्पर्श केला. हा संपूर्ण प्रकार त्या मुलीनं मुख्याध्यापकांना आणि तिच्या पालकांना सांगितला. त्यानंतर पीडित मुलीनं पोलिसांना दिलेल्या जबाबानंतर आरोपी शिक्षकाविरोधात पोक्सो (२०१२) कायद्यांतर्गत अंतर्गत गुन्हा नोंदवण्यात आला. " मुख्याध्यापक आणि मुलीच्या पालकांचा जबाब नोंदवण्यात आला आहे. त्यानुसार पुढील तपास सुरु आहे. या घटनेची सत्यता जाणून घेण्यासाठी शाळेतील सीसीटिव्ही कॅमेरे तपासले जात आहेत", अशी माहिती कांदिवली पोलीस स्टेशनच्या एका पोलीस अधिकाऱ्याने दिलीय.