Video : 'पन्नास खोके, एकदम ओके'च्या घोषणा, अब्दुल सत्तारांनी सभागृहातून घेतला काढता पाय

निगडीतील ग. दि. माडगूळकर नाट्यगृहात राज्यस्तरीय परिषदेचे आयोजन करण्यात आले होते. या परिषदेचे उद्घाटन पणन मंत्री अब्दुल सत्तार यांच्या हस्ते पार पडले होते. अब्दुल सत्तार उशिरा पोहोचल्याने एकाच प्रतिनिधीला बोलण्याचे निर्देश देण्यात आले होते. तसेच अब्दुल सत्तार यांनी उशिरा येऊन तुम्ही तुमचे प्रश्न मांडा, वाद निर्माण होईल असे वक्तव्य करू नका, असे आदेश दिल्याने अधिकच रोष निर्माण झाला. दीड तास उशिरा पोहचलेल्या मंत्री अब्दुल सत्तार यांना सभापतींच्या रोषाला सामोरे जावे लागले.

बाजार समितीचे सभापती आणि उपसभापती तसेच सचिव यांनी 'अब्दुल सत्तारचे करायचे काय, खाली डोक वर पाय', '50 खोके, एकदम ओके' अशा घोषणा दिल्या. या घोषणेनंतर अब्दुल सत्तारांनी कार्यक्रमातून घेतला काढता पाय घेतला.