Ajit Pawar: 'शरद पवार म्हणतात मला...' यावर अजितदादा काय म्हणाले?

Ajit Pawar: भंडारा: राष्ट्रवादी काँग्रेस-शरदचंद्र पवार पक्षाचे अध्यक्ष शरद पवार यांनी लोणावळ्यात बोलताना अजित पवार गटाचे आमदार सुनील शेळके आणि अप्रत्यक्षपणे अजितदादांना थेट इशारा दिला होता की, दमदाटी केलं तर मी देखील सोडणार नाही. याचबाबत अजित पवार यांना जेव्हा पत्रकारांनी सवाल विचारला तेव्हा त्यांनी अगदीच सावध भूमिका घेतली. (Ajit Pawar has taken a very cautious stance while talking about Sharad Pawar's statement )

अजित पवार हे एका कार्यक्रमानिमित्त भंडाऱ्यात आले होते. त्यावेळी त्यांना शरद पवार यांनी लोणावळ्यात केलेल्या विधानाबद्दल विचारण्यात आलं. मात्र, त्यावर अजित पवार यांनी कोणतीही प्रतिक्रिया दिली नाही. मी सुनील शेळकेकडून माहिती घेतो असं म्हणत अजित पवारांनी सावध पवित्रा यावेळी घेतला आहे. 

पाहा अजित पवार नेमकं काय म्हणाले...

'मला याबद्दलचं काही माहिती नाही.. मी पहिल्यांदा सुनील शेळकेकडून.. विधिमंडळातला आमदार आहे तो.. त्याच्याकडून माहिती घेईल. एक गोष्टींचा विपर्यास केला जातो. इतक्या वेगवेगळ्या प्रकारच्या बातम्या प्रसिद्ध केल्या जातात. मी अजून सुनीलशी बोललेलो नाही. मी माहिती घेईन आणि त्याबद्दल माझं मत देईल.'

'आता मध्येच आम्ही एक बातमी वाचली की, सागर बंगल्यावर रात्री जेवण झालं. काय जेवण झालं नाही, काही नाही.. कारण मी आणि देवेंद्र रात्री बरोबरच होतो. इतक्या धादांत खोट्या बातम्या पसरवतात.' 

हे ही वाचा>> 'शरद पवार म्हणतात मला.. मी तसा सोडतही नाही...'

'मी, प्रफुल पटेल आणि सुनील तटकरे तसंच एकनाथ शिंदे, देवेंद्र फडणवीस, चंद्रशेखर बावनकुळे आम्ही दोन दिवसात एकत्र बसू आणि त्यातून आमचं जागा वाटपाचं निश्चित ठरेल.' 

'आम्ही एनडीएमध्ये आहोत. एनडीएमधील सर्व घटक पक्षांनी एकमेकाचा आदर ठेवला पाहिजे, मान दिला पाहिजे एकमेकांना सहकार्य केलं पाहिजे.' 

'आम्ही राष्ट्रवादी काँग्रेस पक्ष आहोत. त्यामुळे आमच्या चिन्हावर जेवढे जास्तीत जास्त उमेदवार लढवता उभे करता येतील तेवढे करू.'

हे ही वाचा>> Sunil Shelke : 'मी संपूर्ण महाराष्ट्राला सांगेन पवारांनी केले खोटे आरोप'

'यंदा तिसऱ्यांदा देशाचं पंतप्रधान नरेंद्र मोदींना करण्याकरिता महाराष्ट्रातील 48 जागांपैकी जास्तीत जास्त जागा या कशा युतीला मिळतील हा आमचा प्रयत्न आहे.' असं अजित पवार यावेळी म्हणाले.