बारामतीच्या नगराध्यक्षपदासाठी जय पवार उमेदवार असतील का? अजित पवारांनी रणनिती सांगितली

उपमुख्यमंत्री अजित पवार म्हणाले, बारामतीच्या नगराध्यक्षपदाच्या उमेदवार ठरवण्यासाठी मी मुलाखती घेणार आहे. जय पवारांच्या उमेदवारीबाबत मी चर्चा ऐकल्या आहेत. मात्र, जय पवार हे उमेदवार नसतील, हे स्पष्ट करतोय.

हेही वाचा : नितीन गडकरींसमोर खुर्ची मिळवण्यासाठी महिलेला चिमटे काढणाऱ्या 'त्या' महिला पोस्ट मास्तर जनरलचं निलबंन

अजित पवार म्हणाले, पुणे जिल्ह्यातील सहकारी मित्रांशी बोलून मी निवडणुकीचा आढावा घेतला. बारामतीमध्ये मी चाचपणी केली. नगरपालिका पूर्वी आघाडी करुन लढली जायची. स्वर्गीय कारभारी आण्णा असताना आणि गुजर साहेब असाताना देखील त्यांचे पॅनेल व्हायचे आणि निवडणूक लढली जायची. जे येतील ते पवार साहेबांचे असतील, असं त्यावेळी सूत्र होतं. ज्यावेळी बारामतीकरांनी 1991 साली खासदार केल्यानंतर मी ठरवलं की पक्षाच्या नावावर निवडणूक लढवायची. आघाडी केल्यास व्हिप बजावता येत नाही. मर्यादा पडतात. पक्षाच्या चिन्हावर निवडून आल्यास पक्षविरोधी काम केल्यास कारवाई करता येते. त्यामुळे मी त्यानंतर पक्षाच्या चिन्हावर निवडून आणण्याचा निर्णय घेतला. बारामतीकरांनी मला नेहमीच साथ दिली.

निवडणुकीच्या निमित्ताने मी बारामतीकरांना सांगायला आलोय की, मी येत्या पाच वर्षात बारामतीचा आणि माळेगाव नगरपंचायतीचा कायापालट करुन दाखवेन. जे निवडून येतील, त्यांच्याकडून काम करुन घेण्याची जबाबदारी सर्वस्वी माझी राहील. कारण 35 वर्षांपासून मी तालुक्याचं प्रतिनिधीत्व करतोय. उद्यापासून मी फॉर्म भरायला सुरुवात होत आहे, मात्र मी माझ्या पक्षाच्या सर्वांना सांगितलं आहे की, सोमवार, मंगळवार आणि बुधवारी फॉर्म भरु नका. गुरुवारी मी राष्ट्रवादी भवनमध्ये बसून जे माझ्याकडून निवडणूक लढण्यास इच्छुक आहेत, त्यांच्या मुलाखती घेणार आहे. नगराध्यक्षपदाच्या निवडणुकीसाठी इच्छुक आहेत, त्याचीच मुलाखती होईल. त्यानंतर नगरसेवकपदाच्या निवडणूक लढण्यास इच्छुक असणाऱ्याची मुलाखत घेईल. हे सर्व झाल्यानंतर मी मेळावा घेणार आहे. त्यातून मी माझं मत काय आहे? हे सगळं सांगणार आहे. 

इतर महत्त्वाच्या बातम्या 

'जय जिनेंद्र अन् 230 कोटी..', मुरलीधर मोहोळांना बर्थडेच्या शुभेच्छा देण्यासाठी रवींद्र धंगेकरांचं ट्वीट, खोचक टोला