अजित पवार विमान अपघात प्रकरणात मोठी अपडेट, देवेंद्र फडणवीसांनी अर्थसंकल्पीय अधिवेशनापूर्वी दिली माहिती

फडणवीस यांनी सांगितले की, भाजपची सहयोगी पक्ष राष्ट्रवादी काँग्रेस पक्ष (एनसीपी) कडून सीबीआय चौकशीची मागणी करणारे पत्र प्राप्त झाल्यानंतर त्यांनी अमित शाह यांच्याशी चर्चा केली. नागरी विमान वाहतूक महासंचालनालय (डीजीसीए) आणि राज्य गुन्हे अन्वेषण विभाग (सीआयडी) यांच्या चौकशीसोबत आता सीबीआयही या प्रकरणाची सखोल चौकशी करणार आहे.

हेही वाचा : कराडमध्ये बांगलादेशींची घुसखोरी, मुंबईत खोटे कागदपत्र बनवून राहत होते, चौघांना ठोकल्या बेड्या

रोहित पवार यांचे पंतप्रधानांना पत्र

पुणे जिल्ह्यातील बारामती जवळ 28 जानेवारी रोजी लँडिंगदरम्यान अजित पवारांचे  चार्टर विमान कोसळले. या दुर्घटनेत अजित पवार यांच्यासह पाच जणांचा मृत्यू झाला. एनसीपी (एसपी) चे नेते रोहित पवार यांनी अपघाताच्या परिस्थितीबाबत अनेक प्रश्न उपस्थित करत कटकारस्थानाची शक्यता व्यक्त केली आहे. त्यांनी शनिवारी पंतप्रधान नरेंद्र मोदी यांना पत्र लिहून चौकशी पूर्ण होईपर्यंत नागरी उड्डाण मंत्री के. राम मोहन नायडू यांच्या राजीनाम्याची मागणी केली.

 “अहवालाची प्रतीक्षा करा, तर्कवितर्क टाळा”

दरम्यान, फडणवीस यांनी सांगितले की, नागरी विमान वाहतूक महासंचालनालयाकडून संबंधित व्हीएसआर कंपनीचे लेखापरीक्षण सुरू असून सर्व लॉगबुक तपासण्यात येत आहेत. चौकशी अहवालाची प्रतीक्षा करावी आणि कोणतेही तर्कवितर्क टाळावेत, असे त्यांनी आवाहन केले. राज्य सरकार या चौकशीवर नियमित देखरेख ठेवणार असल्याचेही त्यांनी स्पष्ट केले.

“नेत्यांच्या सुरक्षेसाठी चौकशी महत्त्वाची”

ही चौकशी सर्व राजकीय नेत्यांच्या सुरक्षेच्या दृष्टीने अत्यंत महत्त्वाची असल्याचे फडणवीस म्हणाले. त्यांनी स्वतः अनेक वेळा व्हीएसआरच्या विमानातून प्रवास केल्याचे त्यांनी नमूद केले. पत्रकार परिषदेत उपस्थित उपमुख्यमंत्री सुनेत्रा पवार आणि एकनाथ शिंदे यांनीही सीबीआय चौकशीची विनंती करण्यात आल्याचे सांगितले आणि निष्पक्ष व सर्वंकष चौकशीचे आश्वासन दिले.

इतर महत्त्वाच्या बातम्या

अकोल्यात बारावी बोर्डाच्या परिक्षा केंद्रावर विद्यार्थिनीची प्रकृती बिघडली, रुग्णालयात जाऊन सोडवला पेपर