कराडमध्ये बांगलादेशींची घुसखोरी, मुंबईत खोटे कागदपत्र बनवून राहत होते, चौघांना ठोकल्या बेड्या

हे ही वाचा : धाराशिव : चार दिवसांपूर्वी साखरपुडा, मेहंदीचा रंग उतरण्याआधीच नवरदेव अन् नवरी मुलीवर काळाचा घाला

कराडमध्ये घुसखोरी केलेल्या बांगलादेशींची नावे

बांगलादेशी घुसखोरांची नावे आता समोर आलेली आहेत. बिलाल सलाल उद्दीन मुल्ला, आयेशा अदिल शेख आणि नसरिन अब्दुलसालाय मुल्ला अशी त्यांची नावे आहेत. देशात सध्या बांगलादेशी घुसखोरांमुळे गदारोळ सुरु असताना कराडमध्ये कारवाई करण्यात आल्याचे वृत्त आहे. पोलिसांनी एका पत्रकाराच्या माहितीच्या आधारे माहिती मिळवली की, एका इमारतीत बांगलादेशी नागरिक वास्तव्यास आहेत. 

चौकशीतून आलं समोर 

याचवरून आता कराड शहर गुन्हे प्रकटीकरण शाखेचे पोलीस उपनिरीक्षक निखील मगदूम यांनी तात्काळपणे कारवाईच्या सूचना दिल्या. ज्या इमारतीत बांगलादेशींना लपवण्यात आलं त्या इमारतीचं नाव ‘सह्याद्री रेसिडेन्सी’ असे आहे. याच इमारतीजवळ जाऊन चौकशी करण्यात आली होती. याचदरम्यान बिलाल मुल्लाकडे विचारपूस केली असता, आणखी दोघेजण इथे राहत असल्याचे निष्पन्न झाले. तसेच याच लोकांनी मुंबईत बनावट पत्त्यांवर आधारकार्ड बनवून घेतल्याची कबुली देखील दिली. 

हे ही वाचा : मामीसह तिच्या मुलीला भाच्याने गळा दाबून संपवलं, मृतदेह बेडमध्ये भरून ठेवला

घुसखोरांची बेकायदेशीर कागदपत्रे  

या प्रकरणी बिलाल सलाल उद्दीन मुल्ला, आयेशा अदिल शेख आणि नसरिन अब्दुलसालाय मुल्ला या तिघांना ताब्यात घेण्यात आले. हे तिघेही बांगलादेशातून भारतात आले असून कराडमध्ये वास्तव्यास आहेत. बांगलादेशींना लपवण्यासाठी मदत करणारी व्यक्ती करण बापू कांबळे यालाही अटक करण्यात आली आहे. दरम्यान, त्यांच्याकडे आढळून आलेली कागदपत्रे बेकायदेशीर असल्याचे सांगण्यात येत आहे.