BMC Election 2026: राज ठाकरेंनी दाखवलं अदानींचं 'मुंबईतील साम्राज्य' अन् सांगितला 'तो' धोका

पाहा राज ठाकरे नेमकं काय म्हणाले...

'हे मी तुम्हाला सांगतोय ना.. हे तुम्हाला कशा प्रकारे तुम्हाला आवळलं जातंय याचा तुम्हाला काही अंदाज.. आपल्याला कळतंय हे काय चाललंय? वाढवणला बंदर येतंय. बाजूला विमानतळ.. विमानतळ कशासाठी.. तर मुंबई विमानतळावरचा कार्गो तिकडे नेणार. मुंबईतील इंटरनॅशनल आणि डोमेस्टिक विमानतळ हे नवी मुंबई विमानतळ बांधलंय ना तिकडे घेऊन जाणार.ही प्रोसेस हळूहळू सुरू झाली आहे.पुढे हा संपूर्ण विमानतळ विकायला काढणार..'

'अशी नाही ना आम्हाला मुंबई मिळवता येत तर आम्ही पैसे ओततो बदाबदा पैसे ओतते, जमिनी विकत घेतो.. या सरकारमध्ये जे बसलेत त्यांचं काय घेऊन बसलोय आपण.. ते काही तरी करू शकतात का? काहीच करू शकत नाही. डोक्यात गेलीए सत्ता..' 

'भूगोल समजून घ्या.. हे वाढवण बंदरापासून वर लगेच लागून गुजरात आहे. यांचं पहिल्यापासून जे डोक्यात होतं ना की, मुंबई ही गुजरातला न्यायची.. त्याआधी पालघर जिल्हा ताब्यात घ्यावा लागेल. ठाणे जिल्ह्याचा भाग ताब्यात घ्यावा लागेल तर मुंबईपर्यंत पोहोचता येईल.'

'हे सगळं करून मुंबई गुजरातला कशी जोडता येईल याच्यासाठीचा सगळा प्लॅन आहे. आम्ही बेसावध, आमच्या जातीपातीत भांडणं लावली जात आहेत. एकदा मुंबई हातातून गेली ना तर महाराष्ट्र झारखंडपेक्षा काही वेगळा करणार नाहीत हे. मुंबई ही तुमची राजधानी आहे, तुमची ताकद आहे. पण जो मस्तवाल पणा यांच्या अंगात शिरला आहे. की आम्ही काहीही करू कुठूनही मतदान आणू.. जे त्यांनी विधानसभेत केलं.. तेच आताही करणार.' असं म्हणत राज ठाकरेंनी भाजपवर जोरदार टीका केली.