मुख्यमंत्री पदाच्या शर्यतीत असलेल्या सुवेंदू अधिकारींच्या PA च्या डोक्यातच झाडल्या गोळ्या, जागीच मृत्यू

कशी करण्यात आली सुवेंदू अधिकाऱ्याच्या PA ची हत्या

सूत्रांच्या माहितीनुसार, चंद्रनाथ रथ हे आपल्या घराकडे जाण्यासाठी मध्यग्राम येथे आपल्या काळ्या स्कॉर्पिओ कारमध्ये बसले होते. त्याचवेळी दुचाकीवरून आलेल्या हल्लेखोरांनी त्यांच्यावर अत्यंत जवळून गोळीबार केला. त्यांना एक गोळी डोक्यात दुसरी छातीमध्ये आणि तिसरी पायात लागली. गंभीर जखमी अवस्थेत त्यांना रुग्णालयात नेण्यात आले, मात्र डॉक्टरांनी त्यांना मृत घोषित केले.

हल्ला दोहरिया, मध्यग्राम येथे घडला. हल्लेखोर दुचाकीवरून आले होते आणि घटनास्थळावरून फरारी झाले. पोलिसांनी घटनास्थळी तातडीने धाव घेतली असून, मध्यग्राम आणि कोलकाता परिसरात हाय अलर्ट जारी करण्यात आला आहे. हल्लेखोरांची अद्याप ओळख पटलेली नाही आणि प्रकरणाची चौकशी सुरू आहे.

हे ही वाचा>> 'ते' एक स्वप्न अन् 'या बड्या नेत्यांचा' राजकारणात गेम ओव्हर! असं नेमकं काय घडलं?

राजकीय पार्श्वभूमी

ही हत्या पश्चिम बंगाल विधानसभा निवडणुकी नंतरच्या हिंसाचाराच्या पार्श्वभूमीवर घडली आहे. निवडणूक निकालानंतर राज्यात हिंसाचार वाढला असल्याचे दिसत आहे. भाजपने ९ मे रोजी शपथ ग्रहण समारंभाचे आयोजन केले असून, त्यात पंतप्रधान नरेंद्र मोदी, केंद्रीय गृहमंत्री अमित शाह, नितिन गडकरी आणि जे.पी. नड्डा यांच्यासह प्रमुख नेते उपस्थित राहणार आहेत.

सुवेंदु अधिकारी हे राज्यातील भाजपचे प्रमुख चेहरे आहेत. ते नंदीग्राम आणि भवानीपूर या दोन मतदारसंघातून ते आमदार आहेत आणि राज्यसभेत विरोधी पक्षनेते म्हणून काम करतात. चंद्रनाथ रथ हे त्यांचे विश्वासू सहायक होते.

- घटनेची माहिती मिळताच उच्चपदस्थ पोलिस अधिकारी घटनास्थळी दाखल झाले आहेत.
- राज्यात राजकीय हिंसाचार वाढल्याच्या पार्श्वभूमीवर ही घटना अधिक गंभीर मानली जात आहे.
- अद्याप कोणत्याही पक्षाने अधिकृत प्रतिक्रिया दिलेली नाही, मात्र राजकीय वर्तुळात तीव्र संताप व्यक्त होत आहे.

पोलिसांनी प्रकरणाची सखोल चौकशी सुरू केली असून, सीसीटीव्ही फुटेज आणि साक्षीदारांचे जबाब यांचा आधारे हल्लेखोरांना पकडण्याचे प्रयत्न सुरू आहेत.