Devendra Fadnavis : राऊतांचे नाव घेताच देवेंद्र फडणवीस म्हणाले, ‘मी मुर्खांना…’

Devendra Fadnavis Reply Sanjay Raut Over Karsewa Photo : उपमुख्यमंत्री देवेंद्र फडणवीस यांनी अयोध्येत कारसेवेसाठी जातानाचा नागपूर प्लॅटफॉर्मवरचा जुना फोटो शेअर केला होता. या फोटोवर संजय राऊतांनी (Sanjay Raut) ‘तुमचे नागपूर स्टेशनचे फोटो आहेत’,’गेला असाल फिरायला, ‘लहानपणी जात असतात’, अशा शब्दात फडणवीसांची (Devendra Fadnavis) खिल्ली उडवली होती. राऊतांच्या या टीकेवर देवेंद्र फडणवीसांनी पलटवार केला आहे. जे रामाला मानायला तयार नाही त्यांना मी उत्तर का देऊ? मी मूर्खांना उत्तर देत नाही, असे प्रत्युत्तर फडणवीसांनी राऊतांना दिले आहे. (devendra fadnavis reply sanjay raut over nagpur platform karsewa photo ayodhya ram mandir inaugration)

संजय राऊतांनी देवेंद्र फडणवीसांच्या फोटोची खिल्ली उडवत त्यावर टीका केली होती. या टीकेवर आता देवेंद्र फडणवीसांनी उत्तर दिले आहे. नवभारत वर्तमानपत्र यांनी मला पाठवलेला फोटो मी आनंदात ट्विट केला आहे. ट्विट हे कोणाला उत्तर देण्यासाठी नाही. मी त्या भानगडीत पडत नाही. जे रामाला मानायला तयार नाही त्यांना मी उत्तर का देऊ? मी मूर्खांना उत्तर देत नाही, अशा शब्दात देवेंद्र फडणवीसांनी राऊतांच्या टीकेचा समाचार घेतला होता.

हे ही वाचा : Ram Mandir : 22 जानेवारीच्या सुट्टीबद्दल उच्च न्यायालयाने दिला निकाल, कोर्टात काय झालं?

संजय राऊत काय म्हणाले?

देवेद्र फडणवीसांनी ट्विटरवर शेअऱ केलेल्या फोटोवर राऊत म्हणाले, हा अत्यंत हास्यास्पद आणि पोरकट प्रश्न आहे. जर कुणाला प्रश्न पडला असेल अयोध्येच्या लढ्यात शिवसेनेचे योगदान काय? आणि ते कधी होते? तर असे प्रश्न विचारणे कोत्या आणि संकुचित मनोवृत्तीचे असल्यायची टीका संजय राऊतांनी फडणवीसांवर केली.

अख्ख्या देशाला माहितीय शिवसेना अयोध्येत काय करत होती? शिवसेनेचे आणि बाळासाहेबांचे अयोध्येत योगदान काय आहे. आमच्याकडे पोलीस स्टेशन, आमच्यावर कारवाई झाल्याचे आणि आम्ही कोर्टापूढे हजर राहिलो, या सगळ्याचे फोटो आहेत. तुम्हाला पुरावा द्यायची आम्हाला आवश्यकता नाही. तुम्ही कोण, तुमचे लोक पळून गेले होते, सगळ्यांना माहिती आहे. शेवटी बाळासाहेब ठाकरेंनी जबाबदारी स्विकारली होती, असे संजय राऊतांनी सांगितले.

हे ही वाचा : Shoaib Malik सोबतच्या घटस्फोटावर अखेर सानिया मिर्झाने सोडलं मौन

तुम्ही नागपूर स्टेशनला आहात, गेला असाल फिरायला. लहानपणी जात असाल फिरायला, पण पुढे पोहोचलात का? असा सवाल राऊतांनी उपस्थित केला. तसेच तुमच्याकडे नागपूर स्टेशनचे फोटो आहेत. आमच्याकडे प्रत्यक्ष घुमटावरचे आहेत,अशा शब्दात संजय राऊतांनी फडणवीसांच्या त्या फोटोची खिल्ली उडवली.

मला त्या विषयी वाद करायचा नाही. इथे प्रत्येकाचे योगदान आहे. लालकृष्ण अडवाणी असतील, मनोहर जोशी, उमा भारती असतील, त्या काळातले आमचे सगळे खासदार तिकडे उपस्थित होते. मनोहर जोशींपासून सरपोतदारांपर्यंत, विद्याधर गोखळे तिकडे पोहोचले होते. उद्या या साठी आम्ही एक प्रदर्शन भरवले आहे. या लढ्यात ज्यांचा सहभाग होता, त्या सर्व कारसेवकांना उद्याच्या शिबिरात आम्ही आमंत्रण दिले आहे. त्याचा उद्या सत्कारही करणार आहोत. डेमोक्रेसी क्लबला आम्ही त्यासाठी एक प्रदर्शनही भरवले आहे.या प्रदर्शनाला मी देवेंद्र फडणवीसांना आमंत्रित करतो. नागपूरला होतात तुम्ही पण उद्या डेमोक्रेसी क्लबला या. प्रत्यक्ष त्या कारसेवकांना भेटा,असा टोला देखील राऊतांनी फडणवीसांना लगावला आहे.

देवेंद्र फडणवीसांकडून जून्या आठवणींना उजाळा

“जुनी आठवण…”, असे म्हणत देवेंद्र फडणवीसांनी याबद्दल माहिती दिली आहे. ते म्हणालेत “नागपूरहून प्रकाशित होणार्‍या ‘दै. नवभारत’ने मला हे छायाचित्र आवर्जून पाठविले. अयोध्येला जाणार्‍या कारसेवकांची नागपूर रेल्वे स्थानकावर गर्दी उसळली, तेव्हाचे हे छायाचित्र. छायाचित्रकार शंकर महाकाळकर यांनी ते टिपले आहे. उद्या (22 जानेवारी) अयोध्येत प्रभूश्रीरामचंद्रांची प्राणप्रतिष्ठा होत असताना या छायाचित्राच्या माध्यमातून जुन्या आठवणींना पुन्हा एकदा उजाळा मिळाला आहे. नवभारत परिवाराचा मी अतिशय आभारी आहे”, असे सांगत देवेंद्र फडणवीसांनी कारसेवकांमध्ये आपणही होतो, असा पुरावा दिला आहे. या फोटोची आता चर्चा होत आहे.