मिळालेला जामीन गमावला, डॉक्टरला मारहाण करणारे शिंदेंचे नगरसेवक रमेश म्हात्रेंसोबत सुप्रीम कोर्टात काय घडलं? आता पुन्हा तुरुंगात!

शास्त्रीनगर हॉस्पिटलमध्ये डॉक्टर आणि नर्ससोबत  मारहाण झाल्याच्या प्रकरणात रमेश म्हात्रे आरोपी आहेत. या प्रकरणात उच्च न्यायालयाने त्यांना काही अटींसह जामीन मंजूर केला होता. हायकोर्टाच्या या निर्णयाला आव्हान देत हे प्रकरण सुप्रीम कोर्टात पोहोचले.

सुप्रीम कोर्टात या प्रकरणावर सुनावणी झाल्यानंतर न्यायालयाने हायकोर्टाकडून मंजूर करण्यात आलेला जामीन रद्द केला. त्याचबरोबर रमेश म्हात्रे यांना तीन दिवसांच्या आत संबंधित प्राधिकरणासमोर सरेंडर करण्याचे निर्देश दिले आहेत.

नेमकं प्रकरण काय?

डोंबिवलीतील शास्त्रीनगर हॉस्पिटलमध्ये डॉक्टर आणि नर्ससोबत कथित मारहाणीची घटना घडली होती. या घटनेनंतर प्रकरण चर्चेत आले आणि पोलिसांनी कारवाई करत आरोपींविरोधात गुन्हा दाखल केला होता. याच प्रकरणात रमेश म्हात्रे यांच्यावरही आरोप करण्यात आले आहेत.

यानंतर जामिनासाठी प्रकरण बॉम्बे हाय कोर्टात गेले. हाय कोर्टाने रमेश म्हात्रे यांना जामीन मंजूर केला होता. मात्र, या निर्णयाला आव्हान देण्यात आल्यानंतर प्रकरण सुप्रीम कोर्टात पोहोचले.

सुप्रीम कोर्टाचा महत्त्वाचा आदेश

सुप्रीम कोर्टाने सुनावणीदरम्यान हायकोर्टाने दिलेला जामीन रद्द केला आहे. तसेच रमेश म्हात्रे यांना तीन दिवसांच्या आत सरेंडर करण्याचे निर्देश दिले आहेत. त्यामुळे आता सुप्रीम कोर्टाच्या आदेशानुसार त्यांना निर्धारित कालावधीत संबंधित प्राधिकरणासमोर आत्मसमर्पण करावे लागणार आहे.

सुप्रीम कोर्टाच्या या निर्णयामुळे डोंबिवलीतील शास्त्रीनगर हॉस्पिटल मारहाण प्रकरण पुन्हा चर्चेत आले आहे. आता पुढील कारवाई सुप्रीम कोर्टाच्या निर्देशानुसार होणार आहे.