'आमचं गुलामीचं गॅजेट, बरं मग इंग्रज काय तुमच्या..', जरांगेंचा पारा चढला, पंकजा मुंडेंना थेट सुनावलं!

'आता त्यांनी काय सांगितलं की, हे गुलामीचं गॅझेट कशाला लागू करता? आमचं गुलामीचं गॅझेट हे निझामचं, ठीक.. मग इंग्रज काय तुमच्या परिवारात राहत होता? का घरात राहत होता? निझाम आमच्या परिवारातील नाही म्हणून गुलाम.. मग इंग्रज हा तुमच्या परिवारातला आहे का? म्हणून 1931 ची जनगणना घेतली आणि त्याच्या जीवावर आरक्षण घेतलं?'

'तुम्हाला त्यानेच आरक्षण दिलंय, इंग्रजाच्या जनगणनेनं.. मग तुम्ही कोण? असा आम्ही म्हणायचं का? म्हणलो नाही.. आपण तुमच्यासारख्या बिघडलेल्या रक्ताचे नाही. तुम्ही डायरेक्ट म्हणाले.. पण आम्ही विचारलं म्हणायचं का?' असा बोचरा सवाल विचारत जरांगेंनी मंत्री पंकजा मुंडेंना प्रतिसवाल यावेळी केला आहे.

'जे मराठ्याचे तिकडून उभे राहतील त्यांना खपाखप पाडायचे'

'ऐ... भीत वैगरे नाही हा.. शहाणपणा शिकवायचा नाही. गप बसलो म्हणून गप्प आहोत.. तुम्ही फेसबुक, व्हॉट्सअॅपला लिहू शकता. ज्या दिवशी सुरू होईल ना त्यादिवशी कळेल. काही बोलता.. माजारडलेले नीट करायची ताकद आमच्यात आहे. काही बोलता?'

'अरे बाई लय बोलता येतं सगळ्याला.. मापात राहा.. याच्यासाठी $%#%# तुम्हाला 30 वर्ष मराठ्यांनी निवडून नाही दिलं. याच्यासाठी निवडून दिलं का? की तुम्ही आमच्या अवलादीचे पाणउतारे करावे?' 

'आता हे काय करणार ते सांगतो मी तुम्हाला. ते म्हणाले निजामाचं गॅजेट आहे.. ते म्हणाले गुलामीचं गॅजेट आहे. मी सांगितलं तुमचं इंग्रजाचं आहे तेव्हा सुद्धा गुलामीच होती. तेव्हा कुठे स्वातंत्र्य होतं..'

'आता तेवढा काळजावर बाण हाणला हा आपल्या. हे काय करतात. हळूच जिव्हारी वार करत्यात आपल्या. आणि 2-3 महिने गप्प बसतात. आपल्या लोकांना काय वाटतं. जाऊ दे रे.. चुकला असेल काय होतं बोलताना आता नाही बोलणार इथून पुढे. अरे हे बदलणारच नाहीत.'

'त्यामुळे दयामाया कमी करा. जे मराठ्याचे तिकडून उभे राहतील त्यांना खपाखप पाडायचे. तेव्हा या आपल्या जाती पण नीट राहतील. आपले पण नीट वागतील, हुजरेगिरी करायचे बंद करतील. जेव्हा आपण पाडायला सुरु करू ना तेव्हा ते मराठ्यासोबत नीट वागायला सुरुवात करतील. कळाला का डाव?'

'ते आपल्या लेकरा-बाळाला डायरेक्ट म्हणाल्या.. गुलाम म्हटलं गेलं. तुम्हाला लेकराबाळा पेक्षा ते मोठे आहेत का? ते मीडियात जाहीर बोलतात आणि लोकांमध्ये बोलतात चुकलं बरं का.. इथून पुढे नाही बोलणार.' असं जरांगे यावेळी म्हणाले.

पंकजा मुंडेंचं हेच 'ते' विधान जे जरांगेच्या जिव्हारी लागलं

'आपण स्वतंत्र झालो ते गुलामगिरीतून बाहेर निघण्यासाठी, हुकूमशाहीतून बाहेर निघण्यासाठी.. लोकशाहीचा स्वीकार करण्यासाठी झालेलो आहोत. जे गॅजेट लोकशाही प्रस्थापित होण्याआधीचे होते त्या गॅजेटचा आता अवलंब करावा हे कितपत योग्य आहे?'

'बरं आलं तर एका समाजाला हवंय आणि दुसऱ्याला नाही असं करता येत नाही. परंतु एससी आणि एसटीचा विषय हा राज्याच्या अखत्यारित नाही. हे सगळे तांत्रिक मुद्दे आहेत. हे कोणी तरी सांगणारं, समजवणारं.. लोकांच्या मनातील संभ्रम दूर करणारं माणूस आहे का आता कोणी? नाही.. संभ्रम वाढवायचे, भांडणं लावायचे.. अशी परिस्थिती झाली आहे.' असं विधान पंकजा मुंडे यांनी झी 24 तास या वृत्तवाहिनीला दिलेल्या मुलाखतीत केलं होतं. ज्यावरून आजच्या दसरा मेळाव्यातून मनोज जरांगेंनी टीकास्त्र सोडलं आहे.