Ladki Bahin Yojana: लाडक्या बहिणींसाठी खुशखबर! 'या' दिवशी मिळणार डिसेंबरचा हफ्ता, सभागृहात CM फडणवीसांची मोठी घोषणा

मुख्यमंत्री देवेंद्र फडणवीस नेमकं काय म्हणाले?

आज या सभागृहाला आश्वस्त करू इच्छितो, कोणतीही शंका मनात ठेऊ नका. आम्ही जी आश्वासने दिली आहेत. ज्या ज्या योजना आम्ही सुरु केल्या आहेत. एकही योजना आम्ही बंद होऊ देणार नाही. ज्या लाडक्या बहिणींनी महायुतीवर प्रेम दाखवलं, हे अधिवेशन संपल्यावर डिसेंबर महिन्याचा हफ्ता त्यांच्या खात्यात आम्ही जमा करणार आहोत. काहीही नवीन निकष नाहीत. पण असं लक्षात येत आहे की, काहींनी चार चार खाती उघडली आहेत. समाजात जशा चांगल्या प्रवृत्ती असतात, तशा काही वाईट प्रवृत्ती असतात.

हे ही वाचा >> Mumbai Boat Accident: बोट अपघातातील 13 मृतांची ओळख पटली, यादी आली समोर

एखादी योजना जर चुकीच्या पद्धतीनं कोणी वापरत असेल, तर जनतेचा पैसा आहे. तुमची आमची सर्वांची जबाबदारी आहे. तो योग्य प्रकारे गेला पाहिजे. मागच्या काळात आमच्या लक्षात आलं, माणसांनीच नऊ खाती काढली. आता त्याला लाडकी बहीण म्हणायचं कसं. बहिणींच्या पैशांवर डल्ला मारतो तो लाडका भाऊ कसा, असं म्हणत फडणवीसांनी विरोधकांवर हल्लाबोल केला. फडणवीस पुढे म्हणाले, शेतकऱ्यांच्या संदर्भात दिलेली आश्वासनं असतील, युवा, ज्येष्ठांच्या संदर्भात दिलेली आश्वासने असतील, समाजातील वंचितांना दिलेली आश्वासने असतील, ही सर्व आश्वासने आम्ही पूर्ण करणारच आहोत.

"आम्हाला मुख्यमंत्री लाडकी बहीण योजना सुरु ठेवायची आहे. आम्ही महिलांना 2100 रुपयेही देणार आहोत. आम्ही अर्थसंकल्पात याबाबत विचार करणार आहोत. आम्ही वित्तीय साधनांच्या योग्य चॅनलायजेशनंतरच असं करू शकतं. आम्ही दिलेली सर्व आश्वासने पूर्ण करू. आम्ही यासाठी योग्य ती व्यवस्था करू", असंही मुख्यमंत्री देवेंद्र फडणवीस शपथविधी सोहळा पार पडल्यानंतर माध्यमांशी बोलताना म्हणाले होते.

हे ही वाचा >> Beed News : सरपंच संतोष देशमुखांच्या हत्या प्रकरणात नवा ट्विस्ट! पोस्टमार्टम रिपोर्टने प्रशासनाची उडवली झोप