Super Exclusive: मुंबईचा महापौर कोण होणार.. मराठी की अमराठी?, मुंबई Tak च्या महाचावडीवर CM फडणवीसांनी केलं घोषित

मुख्यमंत्री फडणवीस: एक तर कृपाशंकर सिंह कुठे म्हणाले.. मीरा-भाईंदरमध्ये म्हणाले.. मुंबईत नाही म्हणाले. दुसरं.. कृपाशंकर सिंह हे आमचे अधिकृत प्रवक्ते आहेत का? 

आता यांच्याकडे कोणी काही बोलतं.. तुम्ही आपलं मीरा-भाईंदरचं काढलं आणि मुंबईत दाखवलं. तुम्ही फार हुशार लोकं आहात. म्हणून तुम्हाला आता अधिकृतपणे या पक्षाचा नेता म्हणून सांगतो. मुंबईचा महापौर महायुतीचा होईल, मुंबईचा महापौर हिंदू होईल आणि मुंबईचा महापौर मराठी होईल.

असं थेट उत्तर मुख्यमंत्री फडणवीस यांनी यावेळी दिलं आहे. त्यामुळे आतापर्यंत विरोधकांकडून ज्या मुद्द्यावर CM फडणवीस आणि भाजपला खिंडीत गाठण्याचा प्रयत्न करत होतं. तोच मुद्दा मुख्यमंत्र्यांनी अगदी प्रचाराच्या सुरुवातीलाच परतवून लावला आहे.

हे ही वाचा>> महामुंबईची महाचावडी: CM देवेंद्र फडणवीसांची मराठी माध्यमातील पहिली Super Exclusive मुलाखत लवकरच मुंबई Tak वर!

कुठे पाहता येईल मुख्यमंत्री फडणवीसांची महाचावडी?

अशाच उत्तरासह आपल्याला मुख्यमंत्री देवेंद्र फडणवीस यांची संपूर्ण Super Exclusive मुलाखत आज (2 जानेवारी 2026) सांयकाळी 5 वाजता मुंबई Tak च्या यूटयूब चॅनलवर पाहता येईल. तसंच मुंबई Tak ची वेबसाईट www.mumbaitak.in वर देखील संपूर्ण मुलाखत जशीच्या तशी वाचता येईल.