'अजितकाका.. तोपर्यंत मी बटण असंच उघडं ठेवणार', रोहित पवार विधानसभेत ढसाढसा रडले अन्..

विधानसभेत रोहित पवारांना अश्रू अनावर

'मी आणि अजितदादा हे फार जवळचं नातं होतं. माझ्या जीवनात मला जिल्हा परिषदचे.. म्हणजे राजकारणातलं पहिलं तिकिट कोणी दिलं असेल तर ते अजितकाकांनी दिलं. आमदारकीचं तिकिट कोणी दिलं असेल तर ते माझ्या काकांनी मला तिथे दिलं. माझ्या परिवारामध्ये आमचे जे काका असतात ते पुतण्याचं लग्न ठरवतात. पवार साहेबांनी काकांचं ठरवलं. आणि माझ्या काकांनी माझं लग्न ठरवलं. ती गोष्ट मी कधी आयुष्यात विसरणार नाही.'

हे ही वाचा>> अजित पवार विमान अपघात प्रकरणात मोठी अपडेट, देवेंद्र फडणवीसांनी अर्थसंकल्पीय अधिवेशनापूर्वी दिली माहिती

'माझे होणारे सासरे त्यांना भेटायला गेले होते आणि त्यांनी विचारलं होतं की, माझी मुलगी मी रोहितला देणार आहे तुमचं काय मत आहे? त्यावेळी त्यांनी एक सेकंद सुद्धा लावला नाही आणि म्हणाले की, होतकरू मुलगा आहे, कष्टाळू आणि व्हिजन घेऊ चालतो. लगेचच्या लगेच तिथे लग्न करून टाक आणि स्वत: आजारी असताना सुद्धा काका लग्नाला आले होते. तिथे त्या दिवशी त्यांच्या मुलाचंच लग्न आहे असं ते वावरत होते.'

हे ही वाचा>> 'VSR कंपनीला कोण वाचवतंय...', रोहित पवारांनी 'त्या' केंद्रीय मंत्र्याचा राजीनामा मागितला, मोदी-शाहांकडेही मोठी मागणी

'पक्ष जेव्हा वेगळा झाला तेव्हा दादांकडून साहेबांबद्दल काही गोष्टी बोलल्या गेल्या असतील किंवा आम्ही बोललो गेलो असू.. पण काही दिवसांपूर्वी जेव्हा काका आणि आम्ही बारामती हॉस्पिटलला भेटलो होतो आम्ही तिथे सातत्याने चर्चा करत होतो. गेल्या काही महिन्यात दादांसोबत अगदी जवळून काम करण्याची संधी मिळाली होती.'

'एक विकास लवांडे नावाचा कार्यकर्ता आहे. अजितदादांवर अतिशय जहाल पद्धतीने टीका केली होती जेव्हा त्यांनी पवार साहेबांना सोडलं होतं तेव्हा.. त्यावेळी विकास लवांडेंना दीड महिन्यांपूर्वी दादांना भेटवलं होतं. तेव्हा दादांनी सांगितलं की, मीच त्याला पक्षात आणलंय.. अहो दादा तुमच्या विरोधात तो बोलला म्हणून भेटायला घाबरतोय. तर म्हणाले की, अरे तू बोलला हे बरोबर पण मी सुद्धा बोललो होतो ना पहिलं दुसरं भाषण. त्यामुळे मी पण चुकलो, तू पण चुकलो.. पण आता आपल्याला.. एकत्र एका विचाराने काम करायचंय.. अशा मोठ्या मनाचे काका माझे होते.'