'शहरातील गुन्हेगारी संपली पाहिजे म्हणता अन् तुमची यादी पाहिली तर...', मुरलीधर मोहोळांचा अजितदादांवर हल्लाबोल

हेही वाचा : नांदेड: विनयभंगाच्या आरोपाखाली तुरुंगात गेला, मनात सुडाची भावना अन् जामीनावर सुटल्यानंतर पीडितेच्या पतीलाच जाळलं...

मुरलीधर मोहोळ म्हणाले, राजकारणात गुन्हेगारांना कोणतेही स्थान नसावे. निवडणुकीच्या मैदानात इतर काही पक्षांनी गुन्हेगारी पार्श्वभूमी असलेल्यांना संधी दिली आहे. मात्र भाजपने तसे केलेले नाही. कोणाला तिकीट दिले आहे, हे पुणेकर नीट पाहत आहेत. त्यामुळे योग्य ते उत्तर ते मतपेटीतून देतील, असा विश्वास त्यांनी व्यक्त केला.

शिवसेनेसोबतच्या युतीबाबत बोलताना मोहोळ यांनी भाजपची भूमिका अजूनही सकारात्मक असल्याचे सांगितले. मागील निवडणुकीत भाजपचे 105 नगरसेवक निवडून आले होते. तरीदेखील शिवसेनेसोबत युती करण्याची तयारी भाजपने दर्शवली होती. शिवसेनेच्या जागा तुलनेने कमी असतानाही त्यांच्या कडून अधिक जागांची मागणी होत होती. पुणे आणि पिंपरी-चिंचवडमध्ये युतीसाठी प्रयत्न सुरू आहेत. जागावाटपावर मतभेद असू शकतात, पण युती व्हावी, अशीच आमची भूमिका आहे, असे त्यांनी स्पष्ट केले. स्थानिक पातळीवर एकमत न झाल्याने हा विषय वरिष्ठांकडे गेला आहे. शिवसेनेने तब्बल 150 उमेदवारी अर्ज का भरले, हा प्रश्न आहे. आम्ही शिवसेनेला 16 जागा देण्यास तयार आहोत. काही जागांबाबत अडचण असेल, तर त्यावर वरिष्ठ पातळीवर तोडगा निघेल. रिपब्लिकन पार्टी ऑफ इंडियाला आठ जागा देण्यात आल्या आहेत, असेही त्यांनी नमूद केले.

इतर महत्त्वाच्या बातम्या 

नांदेड: विनयभंगाच्या आरोपाखाली तुरुंगात गेला, मनात सुडाची भावना अन् जामीनावर सुटल्यानंतर पीडितेच्या पतीलाच जाळलं...