प्रश्नांना बगल

डॉ. स्मिता जाधव या सतेज पाटील यांच्या बहीण डॉ. भाग्यश्री पाटील यांच्या कन्या आणि 'पुढारी' वृत्तपत्राचे मालक आणि समूह संपादक डॉ. योगेश प्रतापसिंह जाधव यांच्या पत्नी आहेत. भाजपने सर्व इच्छुकांना डावलून ऐनवेळी डॉ. स्मिता यांना पुणे पदवीधर मतदारसंघातून उमेदवारी दिल्याने राजकीय वर्तुळात मोठी चर्चा रंगली होती. भाजपने बंटी पाटलांच्या भाचीलाच त्यांच्या विरोधात रिंगणात उतरवून त्यांना एका अर्थाने धर्मसंकटात टाकल्याची चर्चा राज्यभर सुरू झाली असून, गोकुळच्या निकालानंतर या मतदारसंघातील राजकीय समीकरणे अधिकच रंगतदार बनली आहेत. पंढरपूरमध्ये पत्रकारांनी विचारलेल्या प्रश्नांना बगल देत त्यांनी केवळ विठ्ठल दर्शनावर भर दिला आणि विजयादशमीच्या शुभेच्छा देत तिथून निघून जाणे पसंत केले.

हे ही वाचा : Weather Update: मुसळधार पाऊस की प्रचंड उकाडा? पाहा कसं आहे आजचं हवामान

सतेज पाटलांची भूमिका काय?

या संपूर्ण प्रकरणावर काँग्रेस नेते सतेज पाटील यांनी आपली भूमिका आधीच स्पष्ट केली असून, राजकारण आणि नातेसंबंध पूर्णपणे वेगळे असतात असे त्यांनी म्हटले आहे. भाजपच्या रणनीतीवर टीका करताना त्यांनी असा सवाल केला की, जर भाजपला खरोखरच संबंधित घराण्याविषयी एवढाच जिव्हाळा होता, तर त्यांनी राज्यपाल नियुक्त आमदारांच्या कोट्यातून डॉ. स्मिता जाधव यांना आधी आमदार का केले नाही? भाजपचा हा राजकीय डाव जनतेला चांगल्या प्रकारे ठाऊक असल्याचा टोला लगावत, आपण आपल्या राजकीय भवितव्याचा गांभीर्याने विचार करू आणि महाविकास आघाडीचाच उमेदवार मोठ्या मताधिक्याने निवडून आणू, असे ठाम विश्वावास त्यांनी व्यक्त केला आहे.

हे ही वाचा : Personal Finance: 5 वर्षं SIP करूनही FD पेक्षा कमी पैसा, आता करायचं तरी काय?

कौटुंबिक नाती आणि राजकीय विरोध

या सर्व घडामोडींमुळे कोल्हापूर आणि पुणे पदवीधर मतदारसंघातील राजकीय वातावरण चांगलेच तापले असून, सतेज पाटील यांची तटस्थ राजकीय भूमिका आणि पुतणीची भाजपमधील उमेदवारी यांमुळे आगामी निवडणुका चुरशीच्या होणार असल्याचे स्पष्ट होत आहे. गोकुळच्या विजयाने बंटी पाटलांची ताकद पुन्हा एकदा सिद्ध झाली असली, तरी कौटुंबिक नाती आणि राजकीय विरोध यांच्यातील हा सामना आता राज्याच्या राजकारणात चर्चेचा मुख्य विषय बनला आहे.