मुंबईतील संत्संगात नाचले अन् नंतर ह्रदयविकाराचा झटका, साताऱ्यातील पोलीस हवालदाराचा मृत्यू

फिटनेस असूनही ह्रदयविकाराच्या झटक्याने मृत्यू 

प्रवीण काटवटे यांनी 1997 साली सातारा जिल्हा पोलिसात भरती घेतली होती. गेल्या काही वर्षांपासून ते कराड शहर पोलीस ठाण्यात कार्यरत होते. उत्कृष्ट खेळाडू म्हणून त्यांची ओळख होती. धार्मिक सत्संगासाठी ते काही दिवसांची रजा घेऊन मुंबईत गेले होते. कार्यक्रमात त्यांनी कुटुंबासह सहभाग घेतला आणि आनंदाने नृत्यही केले. मात्र, थोड्याच वेळात त्यांना अचानक अस्वस्थ वाटू लागले. त्यांना तात्काळ जवळच्या रुग्णालयात दाखल करण्यात आले, पण उपचारापूर्वीच त्यांचा मृत्यू झाला.

हेही वाचा : गावातील तरुणाशी अनैतिक संबंध, संतापलेल्या पतीने पत्नीला पेट्रोल टाकून जिवंत जाळलं, वर्ध्यातील घटना

मुंबईतील शासकीय रुग्णालयात त्यांचे शवविच्छेदन करण्यात आले असून, आवश्यक कायदेशीर प्रक्रिया पूर्ण झाल्यानंतर त्यांचा मृतदेह मूळगाव तांबवे येथे आणला जाणार आहे. सायंकाळी शासकीय इतमामात त्यांचे अंत्यसंस्कार पार पडणार आहेत. त्यांच्या निधनाने पत्नी, मुले आणि भावंडे या परिवारावर दुःखाचा डोंगर कोसळला आहे.

काही दिवसांपूर्वी महाराष्ट्रातील तरुणाचा गिरणारच्या पायऱ्या चढतानाही झाला होता मृत्यू

दरम्यान, काही दिवसांपूर्वी कोकणतील एका व्यक्तीचा गिरनारच्या 600 पायऱ्या चढल्यानंतर ह्रदयविकाराच्या झटक्याने मृत्यू झाला होता. तरुणांमध्ये ह्रदयविकाराचं प्रमाण वाढल्याच गेल्या काही वर्षात पाहायला मिळालं आहे. प्रसाद संसारे असं गिरनार येथे ह्रदयविकाराच्या झटक्याने मृत्यू झालेल्या तरुणाचं नाव होतं. विशेष म्हणजे प्रसाद हे उत्कृष्ट क्रिकेटपटू होते आणि दररोज क्रिकेट खेळण्याची त्यांना आवड होती. तसेच त्यांना नवनवीन दुचाकी मॉडेल्स चालवण्याचा छंद होता. त्यांचे गिरनार येथे जाणे हे अचानक ठरले होते.

इतर महत्त्वाच्या बातम्या 

अजून मिळाली का नाही माझी पत्नी? सातत्याने पोलिसांना विचारणा केल्यानं दृश्यम स्टाईल कांड समोर आलं, पुण्यात खळबळ