"एक सच्चा हिंदू म्हणून, हे माझे कर्तव्य..."; शिव-पार्वतीचा 'तो' फोटो शेअर करत राहुल गांधींचं भाजप-RSS ला प्रत्युत्तर

रोहित गोळे

• 08:18 PM • 17 Nov 2026

राहुल गांधी यांनी भाजप आणि RSS समर्थकांच्या मनात भीती, राग आणि द्वेष असल्याचं म्हणत सोशल मीडियावर शिव-पार्वतीचा एक फोटो शेअर करत एक पोस्ट केली आहे.

rahul gandhi bjp rss love hatred shiva parvati photo satyam shivam sundaram sonia gandhi rajiv gandhi

राहुल गांधींचं भाजप-RSS ला प्रत्युत्तर

Google CTA

नवी दिल्ली: लोकसभेतील विरोधी पक्षनेते आणि काँग्रेसचे माजी अध्यक्ष राहुल गांधी यांनी मंगळवारी दावा केला की, केंद्रातील सत्ताधारी पक्ष भाजप आणि राष्ट्रीय स्वयंसेवक संघाच्या (RSS)समर्थकांच्या मनात भीती, राग आणि द्वेषाचे जाळे विणले गेले आहे, जे त्यांना प्रेम अनुभवण्यापासून आणि व्यक्त करण्यापासून रोखत आहे. ते असेही म्हणाले की, एक "सच्चा हिंदू" म्हणून, या लोकांना या जाळ्यातून मुक्त करणे हे माझे कर्तव्य आहे, जेणेकरून तेही त्यांच्या जीवनात प्रेम आणि आपलेपणाचे सौंदर्य आणि आनंद अनुभवू शकतील.

हे वाचलं का?

आपल्या आई सोनिया गांधी यांच्या पुस्तक प्रकाशनाच्या वेळी केलेल्या काही वक्तव्यांवरून सत्ताधारी पक्षाच्या समर्थकांनी सोशल मीडियावर टीका केल्यानंतर राहुला गांधींनी हे विधान केले. राहुल गांधी यांनी सोशल मीडिया प्लॅटफॉर्म X वरील आपल्या पोस्टसोबत भगवान शिव आणि देवी पार्वती यांच्या उमा-महेश्वर रूपांचा एक फोटोही शेअर केला आहे.

राहुल यांनी आपल्या पोस्टमध्ये काय लिहिलंय?

राहुल गांधी यांनी आपल्या पोस्टमध्ये लिहिले आहे, "भीती, राग आणि द्वेष यांनी भाजप आणि RSS समर्थकांच्या हृदयात एक जाळे विणले आहे, जे त्यांना प्रेम अनुभवण्यापासून आणि व्यक्त करण्यापासून रोखत आहे." त्यांनी पुढे लिहिले, "एक सच्चा हिंदू म्हणून, त्यांना या जाळ्यातून मुक्त करणे हे माझे कर्तव्य आहे, जेणेकरून तेही त्यांच्या जीवनात प्रेम आणि आपलेपणाचे अद्भुत सौंदर्य आणि आनंद अनुभवू शकतील." शेवटी त्यांनी "सत्यम शिवम सुंदरम" असेही लिहिले आहे.

आई बाबांच्या मांडीवर बसायची

खरं तर, आदल्या दिवशी नवी दिल्लीत आई सोनिया गांधी यांच्या 'बिलॉन्गिंग: अ जर्नी ऑफ लव्ह' या पुस्तकाच्या औपचारिक प्रकाशनप्रसंगी, राहुल गांधी यांनी वडील आणि माजी पंतप्रधान राजीव गांधी आणि आई सोनिया गांधी यांच्यातील प्रेमाचा उल्लेख करताना म्हटले होते की, त्यांनी आपल्या कुटुंबात पाहिले होते की, "आम्ही जेवताना आई बाबांच्या मांडीवर बसायची. मला वाटायचे की हे अगदी सामान्य आहे." आपल्या आई-वडिलांमधील प्रेमाबद्दल सांगताना राहुल गांधी म्हणाले की, त्यांच्या लहानपणी आई सोनिया गांधी अनेकदा वडील राजीव गांधी यांच्या मांडीवर बसून दुपारचे आणि रात्रीचे जेवण करायच्या. ते म्हणाले की, त्यांना हे अगदी सामान्य वाटायचे आणि ते मित्रांच्या घरी जाऊन विचारायचे की त्यांची आई वडिलांच्या मांडीवर का बसत नाहीत?

हे ही वाचा>> "तो फक्त तुमचा नातू नाही, तो माझाही मुलगा आहे," थेट इंदिरा गांधींना असं का म्हणालेल्या सोनिया?

राहुल गांधी पुढे म्हणाले की, राजीव गांधींच्या हत्येने त्यांच्या आईचे आयुष्य पूर्णपणे बदलून टाकले. ते म्हणाले की, वडिलांच्या मृत्यूनंतर सोनिया गांधींच्या व्यक्तिमत्त्वातही लक्षणीय बदल झाला. पूर्वी त्या खूप मनमिळाऊ आणि आनंदी होत्या. पण या दुःखद घटनेनंतर त्या एकांतप्रिय झाल्या. ते म्हणाले की, नंतर भारतातील गावांनी आणि सामान्य लोकांनी सोनिया गांधींना आपलेपणाची भावना दिली. त्यांनी त्यांना आपल्याशी जोडलेले असल्याची जाणीव करून दिली.

हे ही वाचा>> पुस्तक प्रकाशन सोहळ्यात सोनिया गांधींच्या रांगेत 'या' नेत्यांना जागा, फोटो व्हायरल

आपल्या आईच्या दृढनिश्चयाची प्रशंसा करताना राहुल म्हणाले की, कर्करोगासारख्या गंभीर आजाराशी लढतानाही त्यांनी कधीही भीती किंवा कमजोरी दाखवली नाही. ते म्हणाले की, त्यांच्या आईने नेहमीच आपली उपलब्धी आणि संघर्ष कमी लेखले. ते म्हणाले की, हे पुस्तक राजीव गांधींच्या मृत्यूपूर्वीच्या त्यांच्या आईच्या व्यक्तिमत्त्वाची झलक देते. ते म्हणाले की, हे पुस्तक त्यांच्या आई-वडिलांमधील प्रेम आणि त्यांच्या आईच्या आयुष्याचा एक महत्त्वाचा प्रवास उलगडून दाखवते.