Rahuri By Poll Result 2026 Live Updates: राहुरीमध्ये भाजपचे अक्षय कर्डिले मारणार बाजी?

राहुरी पोटनिवडणूक निकाल LIVE

• राहुरी पोटनिवडणूक: मतमोजणीला थोड्याच वेळात होणार सुरुवात

पोटनिवडणूक का झाली?

राहुरीचे विद्यमान आमदार आणि भाजप नेते शिवाजीराव कर्डिले यांचे 17 ऑक्टोबर 2025 रोजी निधन झाले. त्यांच्या निधनामुळे ही जागा रिक्त झाली आणि निवडणूक आयोगाने पोटनिवडणुकीचा कार्यक्रम जाहीर केला. मतदान 23 एप्रिलला पार पडले तर मतमोजणी 4 मे रोजी होईल.

हे ही वाचा>> सुनेत्रा पवारांचा विजय निश्चित? राहुरीत काय होणार? बघा, काय सांगतो एक्झिट पोल..

मुख्य उमेदवार आणि लढत

अक्षय शिवाजीराव कर्डिले (भाजप): दिवंगत आमदार शिवाजीराव कर्डिले यांचे पुत्र. भाजपने त्यांना उमेदवारी दिली. कुटुंबीय भावना आणि पक्षीय ताकद यांचा त्यांना फायदा होण्याची शक्यता आहे.

गोविंद खांडू मोकाटे (राष्ट्रवादी काँग्रेस - शरदचंद्र पवार गट): विरोधकांकडून मुख्य उमेदवार.

इतर उमेदवार: वंचित बहुजन आघाडीचे संतोष चोळके, शिवसेना (ठाकरे गट) बंडखोर अपक्ष रावसाहेब खेवरे आणि काही अपक्ष उमेदवार.

मतदानाचा टक्का

राहुरी मतदारसंघात एकूण 3 लाख 33 हजार 545 मतदार आहेत. 23 एप्रिलला 56.20 टक्के मतदान झाले. 2024 च्या विधानसभा निवडणुकीत हा टक्का 74.50 टक्के होता. यावेळी मात्र मतदानाचा टक्का घसरला.

हे ही वाचा>> Rahuri Bypoll Survey: एक फोन किंगमेकर! पण राहुरीतली टशन संपलेली नाही, तसं झालं तर गेम फिरणार!

एक्झिट पोलमधील अंदाज

मतदानानंतर प्रसिद्ध झालेल्या एक्झिट पोलनुसार: अक्षय कर्डिले (भाजप) यांना सुमारे 1 लाख 42 हजार 500 मते (एकूण मतदानाच्या सुमारे 76 टक्के) मिळण्याची शक्यता.

गोविंद मोकाटे (NCP-SP) यांना सुमारे 25 हजार 500 मते (14 टक्के) मिळू शकतात. रुद्र रिसर्चसह इतर एक्झिट पोलमध्येही भाजपचा स्पष्ट आघाडीचा अंदाज व्यक्त करण्यात आला आहे. मात्र, अंतिम निकाल आज मतमोजणीनंतरच स्पष्ट होईल.