रणजितसिंह नाईक निंबाळकरांनी सुषमा अंधारेंची माफी मागितली, नेमकं काय म्हणाले?

हेही वाचा : 'मराठी माझी आई आणि उत्तर भारत माझी मावशी, आई मेली तरी चालेल पण...', शिंदेंच्या मराठी आमदारने उडवली खळबळ

दरम्यान, यावेळी रणजितसिंह नाईक निंबाळकरांनी सुषमा अंधारेंची माफी मागितली आहे. रणजितसिंह निंबाळकर म्हणाले, माझ्या भगिनी सुषमा ताई याठिकाणी आल्या. त्यांनाही आपण आजच्या पत्रकार परिषदेचं निमंत्रण दिलं होतं. त्यांच्याविषयी कोणी अपशब्द वापरले असतील तर मी त्यांची माफी मागतो. त्या महाराष्ट्राच्या भगिनी आहेत. मी जाहीर व्यासपीठावरुन त्यांची क्षमा मागतो. ते आपले संस्कार नाहीत. आपली संस्कृती नाही. आपण राजकारणात आल्यानंतर आपलं चरित्र हे पब्लिक कॅरेक्टर असतं. लोकांना प्रश्न विचारण्याचा अधिकार असतो. तो कोणालाही आहे.

यावेळी नाईक निंबाळकरांनी आरोप फेटाळून लावले. विरोधकांवर जोरदार टीका केली. आपल्यावर करण्यात आलेले आरोप मास्टरमाईंडच्या सांगण्यावरुन करण्यात आले आहेत. मी नार्को टेस्टला तयार आहे. माझ्यावर आरोप करणाऱ्यांही त्यासाठी तयार राहावं.  मला गोळी घातली तरी चाललं असतं, पण किती बदनामी करता? असा सवालही केला.

फलटण तालुक्याची बदनामी तुमच्यामुळे झाली आहे. मी मनोमीलन करण्यास नकार दिल्याने रामराजेंनी हे षड्यंत्र रचले, असा गंभीर आरोप माजी खासदार रणजितसिंह नाईक-निंबाळकर यांनी केला. त्यांनी स्पष्ट शब्दांत म्हटलं की, या 'मास्टरमाइंड' विरुद्ध मी न्यायालयात जाणार नाही, पण ज्यांनी हे षड्यंत्र केलं आहे त्यांचा सत्यानाश केल्याशिवाय शांत बसणार नाही. “शेरला धमकावता येतं, पण घाबरवता येत नाही,” अशा शब्दांत त्यांनी विरोधकांना प्रत्युत्तर दिलं.फलटण येथे पीडित डॉक्टर युवतीच्या आत्महत्येच्या प्रकरणात स्वतःवर होत असलेल्या आरोपांवर त्यांनी सोमवारी खुल्या सभेत थेट उत्तर देत सार्वजनिक चर्चेसाठी आवाहन केलं आणि विरोधकांच्या सर्व आरोपांचं खंडन करण्याचा प्रयत्न केला.

इतर महत्त्वाच्या बातम्या 

Personal Finance: SIP चा नवा रेकॉर्ड! सोने आणि इक्विटी फंडने चमकवला बाजार, तुम्हीही करू शकता गुंतवणूक