बोटावर भलंमोठं ड्रेसिंग अन् नंतर बँडेज.., रुपाली चाकणकरांचे 4 फोटो पाहाच; सुषमा अंधारेंचे सनसनाटी दावे

या तंत्र-मंत्र विद्येबाबत अधिक माहिती देताना अंधारे यांनी तारखांचा संदर्भ दिला. 2 सप्टेंबर 2024 रोजी सोमवती अमावस्या होती आणि याच काळात ही अघोरी विद्या करण्यात आल्याचा संशय त्यांनी व्यक्त केला आहे. या तारखेनंतरच्या अनेक फोटोंमध्ये चाकणकर यांच्या बोटावर बँडेज दिसत असल्याचे त्यांनी निदर्शनास आणून दिले. मंत्रोच्चाराद्वारे एखाद्याला आकर्षित करून यश मिळवणे हा या विद्येचा उद्देश असतो, असे सांगत त्यांनी चाकणकर यांच्यावर टीकेची झोड उठवली आहे. स्वतःला सुधारणावादी म्हणवून घेणाऱ्या चाकणकर प्रत्यक्षात अशा तंत्रमंत्र विद्यांचे पालन करत असल्याचा आरोप त्यांनी केला.

 खरात प्रकरणावरून आर्थिक व्यवहारांचे आरोप

दुसरीकडे, खरात यांच्याशी असलेल्या संबंधांवरूनही सुषमा अंधारे यांनी रूपाली चाकणकर यांना धारेवर धरले आहे. खरात यांच्या व्यक्तिगत आयुष्याशी आपला कोणताही संबंध नसल्याचा दावा चाकणकर यांनी केला होता. मात्र, खरात यांच्या वडिलांच्या निधनावेळी आणि त्यांच्या मुलीच्या लग्नातही चाकणकर उपस्थित होत्या, असा दावा अंधारे यांनी केला. इतकेच नव्हे तर खरात यांची भाची चाकणकर यांच्याच घरात राहत असल्याचे सांगत, त्यांच्यातील जवळच्या संबंधांवर त्यांनी बोट ठेवले आहे. या संदर्भातील आर्थिक व्यवहारांची कागदपत्रे येत्या दोन दिवसांत जाहीर करणार असल्याचेही त्यांनी यावेळी स्पष्ट केले.

अंधश्रद्धा निर्मूलन कायद्याचे उल्लंघन

कॅप्टन फाईलमधून रोज नवनवीन खुलासे होत असतानाच आता चाकणकर यांचे नाव यात समोर आल्याने राजकीय वर्तुळात मोठी खळबळ उडाली आहे. रूपाली चाकणकर यांनी यापूर्वी स्पष्टीकरण दिले होते की, त्यांचा संबंध केवळ एका ट्रस्टपुरता मर्यादित आहे. मात्र, अंधारे यांनी चाकणकर यांच्या सोशल मीडियावरील विधानांचा आणि त्यांच्या प्रत्यक्ष वागणुकीचा विरोधाभास उघड केला. एका बाजूला स्वतःला आधुनिक विचारांचे म्हणायचे आणि दुसऱ्या बाजूला अघोरी बाबांच्या पाया पडायचे, हे दुटप्पी वर्तन असल्याचे सांगत त्यांनी महिला आयोगाच्या अध्यक्षांच्या राजीनाम्याची अप्रत्यक्ष मागणी केल्याचे दिसून येते.

इतर महत्त्वाच्या बातम्या 

रुपाली चाकणकरांनी अनामिका कापली, त्या स्वत: तंत्रमंत्र विद्या करायच्या; सुषमा अंधारेंने फोटो दाखवले