मिरा भाईंदरमध्ये पुन्हा एकदा गुजराती महापौर? मराठी एकीकरण समितीनं केला होता विरोध

हे ही वाचा : सुनेत्रा पवार उपमुख्यमंत्री होणार? फडणवीसांसोबत राष्ट्रवादीची बैठक, प्रफुल पटेलांनी सांगितलं...

भाजपाने 78 जागा जिंकत मिरा-भाईंदरमध्ये एकहाती सत्ता स्थापन केली

मिरा-भाईंदर महानगरपालिकेत एकूण 95 जागांपैकी भाजपाने 78 जागा जिंकत एकहाती सत्ता स्थापन केली आहे. तर काँग्रेसने 13 आणि शिवसेना (शिंदे गटाने) 3 जागा जिंकल्या आहेत. काँग्रेस व शिवसेना (शिंदे गट) यांनी एकत्र येत मिरा-भाईंदर विकास आघाडीची स्थापना केली. 

या विकास आघाडीतर्फे प्रभाग क्र. 19 मधील नगरसेविका रुबीना शेख यांनी महापौरपदासाठी तर प्रभाग क्र. 11 मधील नगरसेविका वंदना पाटील यांना उपमहापौर पदासाठी आपला उमेदवारी अर्ज दाखल केला आहे. 

हे ही वाचा : रोहित पवार यांची भावनिक पोस्ट, 'दादा… कुठं हरवलात तुम्ही? तुम्हाला घट्ट मिठी मारायचीय..'

महापौर आणि उपमहापौर पदासाठी नावे जाहीर

अशातच सत्ताधारी भाजपाकडून महापौर आणि उपमहापौर पदासाठी नावे जाहीर करण्यात आली आहेत. भाजपचे आमदार नरेंद्र मेहता यांच्या वहिनी डिंपल मेहता यांची महापौरपदी, तर ध्रुवकिशोर यांची उपमहापौरपदी नियुक्ती झाल्याची माहिती नरेंद्र मेहता यांनी दिली. तसेच डिंपल मेहता आणि ध्रुवकिशोर पाटील यांनी देखील आपले उमेदवारी अर्ज अधिकृत दाखल केले आहेत.