भाजपची नवखी उमेदवार मैथिली ठाकूर बनली आमदार, दिग्गज नेत्याला चारली धूळ

कारण अलीनगर मतदारसंघातून मैथिली ठाकूरने मोठा विजय मिळवला आहे. तिने राजदचे विनोद मिश्रा यांचा तब्बल 11730 मतांनी पराभव केला आहे. मैथिली ठाकूरचा विजयासाठी केंद्रीय गृहमंत्री अमित शाह यांनी स्वतः निवडणूक रॅली देखील काढली होती.

मैथिली ठाकूरच्या निवडणूक निकालाचे Live अपडेट

• मैथिली ठाकूरचा 11730 मतांनी विजय
• पहिल्या फेरीपासून मैथिली ठाकूरची आघाडी कायम
• राजदचे विनोद मिश्रा हे पिछाडीवर 
• मैथिली ठाकूर तब्बल 4 हजार मतांनी आघाडीवर
• मैथिली ठाकूर तब्बल 3 हजार मतांनी आघाडीवर
• तासभराच्या मतमोजणीनंतर देखील मैथिली ठाकूर ही आघाडीवर आहे
• पोस्टल मतमोजणी दरम्यान अलीनगर मतदारसंघातून भाजपची उमेदवार मैथिली ठाकूर आघाडीवर
• पोस्टल मतमोजणीला झाली सुरुवात
• अलीनगर मतदारसंघातील मतमोजणीला सुरुवात

हे ही वाचा>> बिहार विधानसभा निवडणुकीबाबत सट्टा बाजारात भलताच अंदाज, भाजपच्या अडचणी वाढणार.. गेम फिरणार?

मैथिली ठाकूरने Exit Poll चा अंदाज ठरवला खोटा

दरम्यान, मतदाननंतर जे Exit Poll पोल समोर आले होते त्यात मैथिली ठाकूरचा पराभव होईल असा अंदाज व्यक्त केला जात होता.Exit Poll नुसार अलीनगरमध्ये यंदा मोठा फेरबदल होईल आणि ही जागा राजदच्या खात्यात जाईल असं म्हटलं जात होतं. कारण येथून अनुभवी विनोद मिश्रा हे निवडणूक रिंगणात होते. या मतदारसंघात जनसुराज पक्ष हा भाजपला त्रासदायक ठरेल असंही बोललं जात होतं. पण मुळात तसं काहीच घडलं नसल्याचं निकालानंतर दिसून आलं आहे.

हे ही वाचा>> Bihar Election Result 2025 Live Update: बिहार विधानसभा निवडणूक निकालाच्या प्रत्येक क्षणाचे अपडेट, पाहा Live मतमोजणी

अलीनगर मतदारसंघ हे मैथिली ठाकूरचं आजोळ आहे. सुरुवातीला भाजपच्या अनेक कार्यकर्त्यांकडून मैथिली ठाकूरच्या नावाला प्रचंड विरोध झाला होता. कारण येथून भाजपचे विद्यमान आमदार मिश्रीलाल यांचं तिकीट कापून ते मैथिली ठाकूरला देण्यात आलं होतं.

याशिवाय काही लोकं यासाठी देखील विरोध करत होते की, मैथिली ठाकूरने या मतदारसंघासाठी काहीच केलेलं नाही. कधी एखादा शो केला नाही किंवा एखाद्या इव्हेंटलाही ती आली नाही. असंही म्हटलं गेलं की, शो किंवा इव्हेंटला येण्यासाठी तिने पैशांची देखील मागणी केली होती. त्यामुळेच तिला भाजपचं तिकीट देण्यासाठी अनेकांचा विरोध होता. पण जेव्हा तिकीट निश्चित झालं त्यानंतर भाजपच्या कार्यकर्त्यांनी मैथिलीसाठी बराच जोर देखील लावला.

विनोद मिश्रा हे मागील निवडणुकीत देखील याच मतदारसंघातून लढले होते. त्यांचा तेव्हा अवघ्या 3100 मतांनी पराभव झाला होता. यंदा विनोद मिश्रा यांचं निवडणूक कॅम्पेन हे मैथिली ठाकूरपेक्षा वरचढ असल्याचं बोललं जात होतं. पण भाजपच्या सगळ्या केडरने मैथिलीच्या निवडणुकीसाठी प्रयत्न केले होते. जे आता यशस्वी ठरल्याचं पाहायला मिळत आहे.