वनडे क्रिकेटमध्ये ट्रिपल सेंचुरी, 35 षटकार लगावत 314 धावा ठोकल्या; ऑस्ट्रेलियन क्रिकेटपटूची वादळी खेळी

50 षटकांच्या सामन्यात ट्रिपल सेंचुरी शतक

हा रोमांचक सामना 4 ऑक्टोबर 2025 रोजी प्रॅटन पार्क येथे खेळला गेला. या सामन्यात वेस्टर्न सबअर्बने सिडनीविरुद्धच्या सामन्यात प्रथम फलंदाजी केली. सलामी जोडीने पहिल्या विकेटसाठी 70 धावांची भागीदारी केली. त्यानंतर 10व्या षटकात कटलर बाद झाल्यावर तिसऱ्या क्रमांकावर हरजस सिंग खेळायला आला. मैदानात पाऊल ठेवताच त्याने प्रतिस्पर्धी गोलंदाजांची धुलाई करण्यात सुरुवात केली.  20 व्या षटकात त्याने केवळ 33 चेंडूत अर्धशतक पूर्ण केले. त्यानंतर त्याची गाडी थांबली नाही आणि केवळ 141 चेंडूत 314 धावा ठोकत त्याने वादळी खेळी केली. 

हेही वाचा : Maharashtra Weather: राज्यात पावसाचा जोर, चंद्रपूर, गडचिरोलीसह विदर्भात येलो अलर्ट जारी

शतक गाठण्यासाठी त्याने 74 चेंडू घेतले, परंतु त्यानंतर त्याने षटकारांचा वर्षाव केला. हरजसने फक्त 103 चेंडूत दुहेरी शतक झळकावले, म्हणजे दुसरे शतक फक्त 29 चेंडूंवर आले. त्यानंतरही तो थांबला नाही आणि 132 चेंडूंवर 301 धावा पूर्ण केल्या. या ऐतिहासिक खेळीत त्याने 35 षटकार आणि 12 चौकार ठोकले. हरजस सिंगच्या तिहेरी शतकाच्या जोरावर वेस्टर्न सबअर्ब संघाने सिडनी क्रिकेट क्लबविरुद्ध 5 विकेट्सवर 483 धावांचा प्रचंड डोंगर उभा केला.

कोण आहे हरजस सिंग?

ऑस्ट्रेलियाच्या क्रिकेट संघाने ICC अंडर-19 वर्ल्ड कप 2024 चे विजेतेपद पटकावले होते. भारताविरुद्धच्या अंतिम सामन्यात ऑस्ट्रेलियाने स्पर्धेच्या इतिहासातील सर्वात मोठा स्कोर केला होता, ज्यात हरजस सिंगची अर्धशतकी खेळीही महत्त्वाची ठरली. त्याने त्या सामन्यात 55 धावांची शानदार खेळी केली होती. 64 चेंडूत 3 चौकार आणि 3 षटकार लगावून त्याने संघाला 253 धावांपर्यंत नेले.

हरजस सिंगचा भारताशी विशेष संबंध आहे. त्याचे कुटुंब 24 वर्षांपूर्वी चंदीगडहून ऑस्ट्रेलियात स्थायिक झाले, आणि तिथेच त्याचा जन्म झाला. तो 2015 साली  भारतात आला होता.

इतर महत्त्वाच्या बातम्या 

डोंबिवली: "मोबाईलचा पासवर्ड कोणी बदलला?.." क्षुल्लक कारणावरून झालेला वाद टोकाला पोहोचला, पट्ट्यासह बेदम मारहाण अन्...