क्वीन एलिझाबेथ II इंग्लडच्या राणी बनल्या; आणि भारतीय क्रिकेट संघानं जिंकला पहिला सामना

क्वीन आणि भारतीय क्रिकेटचं विशेष नातं

क्वीन एलिझाबेथ II बद्दल बोलायचे तर, त्यांचं भारतीय क्रिकेटशी विशेष नातं आहे. इंग्रजांनीच भारतात क्रिकेट आणले, स्वातंत्र्यापूर्वी, जेव्हा भारतात ब्रिटीश राजवट होती, तेव्हाच टीम इंडियाने आंतरराष्ट्रीय क्रिकेट खेळायला सुरुवात केली. 1932 मध्ये. भारताने प्रथमच कसोटी सामना खेळला जो इंग्लंडमध्ये झाला. पण आंतरराष्ट्रीय क्रिकेटमध्ये भारताला पहिला विजय मिळाला जेव्हा ब्रिटनची महाराणी एलिझाबेथ II हिची सत्ता होती. हा काळ होता 6 फेब्रुवारी 1952.

मद्रासमध्ये भारत आणि इंग्लंड यांच्यात कसोटी सामना खेळला जात होता. हा सामना 6 फेब्रुवारी 1952 रोजी सुरू झाला. याच दिवशी ब्रिटनचे महाराजा जॉर्ज सहावा यांचाही मृत्यू झाला, त्यामुळे दुसऱ्या दिवशीचा सामना होऊ शकला नाही. सहाव्या जॉर्जच्या मृत्यूनंतर ब्रिटनमध्ये महाराणी एलिझाबेथ II च्या कारकिर्दीला सुरुवात झाली. तसे, जून 1952 मध्ये राणीचा राज्याभिषेक झाला.

भारत पहिल्यांदा कसोटी सामन्यात विजयी झाला

जेव्हा पुन्हा सामना सुरू झाला तेव्हा टीम इंडियाने हा सामना जिंकला. मद्रास कसोटीत भारताने इंग्लंडचा एक डाव आणि ८ धावांनी पराभव केला. प्रथम फलंदाजी करताना इंग्लंडने 266 धावा केल्या, प्रत्युत्तरात भारताने पहिल्या डावात 457 धावा केल्या. दुसऱ्या डावात इंग्लंडचा संघ अवघ्या 183 धावांत आटोपला. भारताचा कसोटी क्रिकेटमधला हा पहिला विजय ठरला.

एलिझाबेथ II 6 फेब्रुवारी 1952 रोजी ब्रिटनची राणी बनली, 8 सप्टेंबर 2022 रोजी तिचा मृत्यू झाला, तेव्हा भारताने अफगाणिस्तानचा पराभव केला. म्हणजेच, 8 सप्टेंबर 2022 पर्यंत भारतीय क्रिकेट संघाने जिंकलेले सर्व सामने राणीच्या कार्यकाळात जिंकले आहेत, जे राणी एलिझाबेथ II चा कार्यकाळ किती मोठा आणि विस्तृत होता हे सांगण्यासाठी पुरेसं आहे.

विराटने घेतली होती क्वीनची भेट

आपल्या प्रदीर्घ कार्यकाळात राणी एलिझाबेथ द्वितीय यांनी विराट कोहली आणि इतर खेळाडूंसह अनेक भारतीय क्रिकेटपटूंनाही भेटले आहे. अलीकडेच, जेव्हा क्रिकेट विश्वचषक-2019 इंग्लंडमध्ये खेळला गेला, तेव्हा भारतीय कर्णधार म्हणून विराट कोहलीने राणी एलिझाबेथ यांची भेट घेतली.

आंतरराष्ट्रीय क्रिकेटमध्ये भारत

एकूण कसोटी 563, विजय – 168, पराभव – 174

एकूण एकदिवसीय – 1011, विजय – 529, पराभव – 432

एकूण T20 – 179, विजय – 114, पराभव – 57