हे ही वाचा : पीएम मोदी अन् अमित शाहांना टॅग करत रोहित पवारांची पोस्ट, अजितदादांच्या विमान अपघात प्रकरणात मोठी मागणी

ऑस्ट्रेलियन फलंदाजाना स्थिरावण्याची संधीच नाही

झिम्बाब्वेच्या गोलंदाजांपुढे ऑस्ट्रेलियाच्या फलंदाजांनी नांगी टाकली. विशेषत: मुझारबानीने फलंदाजांना क्रीजवर टिकूच दिले नाही. अचूक लाईन आणि लेंग्थ यासोबतच वेगवान गतीच्या सहाय्याने त्याने ऑस्ट्रेलियाच्या फलंदाजांना जेरीस आणले. त्याने जोश इंग्लिस, टिम डेव्हिड, मॅथ्यू रेनशॉ आणि अॅडम झॅम्पा यांच्या विकेट घेतल्या. ही त्याच्या टी-20 कारकीर्दीतील सर्वोत्तम कामगिरी ठरली.

मुझारबानीची कारकीर्द 

ब्लेसिंग मुझारबानी या 6 फूट 7 इंच उंचीच्या गोलंदाजाला बघून अनेक फलंदाजांना धडकी भरते. उजव्या हाताने वेगवान गोलंदाजी करणाऱ्या 29 वर्षीय मुझारबानीची कारकीर्द उत्तम राहिली आहे. आयपीएलच्या गेल्या हंगामात रॉयल चॅलेंजर्स बेंगलोरने त्याला 75 लाख रुपयांमध्ये त्याला करारबद्ध केले होते. मुझारबानीला जगभरातील विविध टी-20 लीग्समध्ये खेळण्याचा अनुभव आहे. डिसेंबर 2017 मध्ये दक्षिण आफ्रिकेविरुद्धच्या कसोटी सामन्यात त्याने आंतरराष्ट्रीय क्रिकेटमध्ये पदार्पण केले. मुझारबानीने झिम्बाब्वेसाठी 18 कसोटी, 57 एकदिवसीय आणि 85 टी-20 आंतरराष्ट्रीय सामने खेळले आहेत. कसोटी क्रिकेटमध्ये त्याने 26.20 च्या सरासरीने 67 बळी घेतले आहेत; तर एकदिवसीय क्रिकेटमध्ये त्याने 33.35 च्या सरासरीने 70 बळी घेतले आहेत. टी-20 आंतरराष्ट्रीय सामन्यांमध्ये त्याने 21.08 च्या सरासरीने आणि 7.10 च्या इकॉनॉमी रेटने 100 बळी घेतले आहेत.

हे ही वाचा : कांद्याच्या पिकात अफूची लागवड, उपतालुका प्रमुखाचा प्रताप समोर येताच ओमराजे निंबाळकरांचा मोठा निर्णय

असा रंगला सामना

कोलंबोतील आर. प्रेमदासा स्टेडियमवर झालेल्या या ग्रुप बी सामन्यात, नाणेफेक गमावल्यानंतर, झिम्बाब्वेने प्रथम फलंदाजी करताना 20 षटकांत 2 गडी बाद 169 धावा केल्या. सलामीवीर ब्रायन बेनेटने नाबाद ६४ धावांची शानदार खेळी केली. प्रत्युत्तरात, ऑस्ट्रेलियन संघाची सुरुवात खूपच खराब झाली. जोश इंग्लिस, कॅमेरॉन ग्रीन, टिम डेव्हिड आणि कर्णधार ट्रॅव्हिस हेड लवकर बाद झाले. यानंतर, ग्लेन मॅक्सवेल आणि मॅथ्यू रेनशॉने 77 धावांची भागीदारी करून आशा निर्माण केल्या, परंतु रायन बर्लने मॅक्सवेलला बाद करून पुन्हा एकदा सामना उलटला. त्यानंतर मार्कस स्टॉयनिस, बेन द्वारशुइस आणि अॅडम झॅम्पा स्वस्तात बाद झाले. टी-20 विश्वचषकाच्या इतिहासात झिम्बाब्वेने ऑस्ट्रेलियाला हरवण्याची ही दुसरी वेळ आहे.