T20 World Cup मध्ये सर्वात मोठा उलटफेर, झिम्बाब्वेने ऑस्ट्रेलियाचा धुव्वा उडवला, 19 वर्षांपूर्वीच्या इतिहासाची पुनरावृत्ती

नाणेफेक जिंकून ऑस्ट्रेलियाने प्रथम गोलंदाजीचा निर्णय घेतला. मात्र झिम्बाब्वेच्या फलंदाजांनी संयमी खेळ करत 20 षटकांत 2 बाद 169 धावा उभारल्या. ब्रायन बेनेटने 56 चेंडूत नाबाद 64 धावांची खेळी करत डाव सांभाळला. याशिवाय तदिवानाशे मारुमानी आणि रायन बर्ल यांनी 35 धावांची खेळी करत महत्त्वपूर्ण योगदान दिले.. कर्णधार सिकंदर रझा 13 चेंडूत 25 धावांवर नाबाद राहिला. ऑस्ट्रेलियाकडून मार्कस स्टोइनिस आणि कॅमेरून ग्रीन यांनी प्रत्येकी एक बळी घेतला.

हेही वाचा : तीन मुलं झाली पण तरीही परपुरुषासोबत तार जुळले, 6 महिन्यांच्या प्रेमात आकंठ बुडाली, अन् खतरनाक प्लान आखला

170 धावांच्या लक्ष्याचा पाठलाग करताना ऑस्ट्रेलियाची सुरुवात खराब झाली. जोश इंग्लिस, कॅमेरून ग्रीन, टिम डेव्हिड आणि ट्रॅव्हिस हेड हे प्रमुख फलंदाज अवघ्या 29 धावांत बाद झाले. त्यानंतर ग्लेन मॅक्सवेल आणि मॅट रेनशॉ यांनी 59 चेंडूत 77 धावांची भागीदारी करत संघाला सावरले. मात्र रायन बर्लने मॅक्सवेलला 31 धावांवर बाद करत ही जोडी फोडली आणि सामन्याचे पारडे पुन्हा झिम्बाब्वेकडे झुकले. रेनशॉने 44 चेंडूत 65 धावा केल्या; पण इतर फलंदाज अपयशी ठरले. मार्कस स्टोइनिस आणि बेन ड्वारशुइस प्रत्येकी 6 धावांवर बाद झाले. अॅडम झॅम्पा 2 धावांवर माघारी परतला, तर शेवटी मॅथ्यू कुहनेमन धावबाद झाला. झिम्बाब्वेकडून वेगवान गोलंदाज ब्लेसिंग मुजारबानीने 4 षटकांत 17 धावा देत 4 बळी घेत निर्णायक कामगिरी बजावली. ब्रॅड इव्हान्सने 3.3 षटकांत 23 धावा देत 3 गडी बाद केले.

टी-20 आंतरराष्ट्रीय क्रिकेटमध्ये दोन्ही संघांची ही चौथी लढत होती. आतापर्यंत दोन्ही संघांनी प्रत्येकी दोन वेळा विजय मिळवला आहे. विशेष म्हणजे टी-20 विश्वचषकात झिम्बाब्वेने ऑस्ट्रेलियावर मिळवलेला हा सलग दुसरा विजय ठरला. यापूर्वी 2007 साली केपटाउन येथेही झिम्बाब्वेने ऑस्ट्रेलियाला पराभूत केले होते. या निकालामुळे गटातील गुणतालिकेचे समीकरण बदलले असून झिम्बाब्वेने मोठ्या मंचावर आपली क्षमता पुन्हा एकदा सिद्ध केली आहे.

इतर महत्त्वाच्या बातम्या 

पत्नीने नंबर ब्लॉक केला, पतीने थेट लोणावळ्यातील टायगर पॉईंटरवरुन उडी मारली; बायकोच्या वाढदिवशी संपवलं आयुष्य