हे ही वाचा : अहिल्यानगर : पोटच्या मुलानेच आईला संपवलं, चाकू आणि अडकित्त्याच्या सहाय्याने हत्या, दोन तास मृतदेहाजवळच खेळत बसला

5 महिन्यांपूर्वी लग्न

महकचं लग्न 25 सप्टेंबर 2025 रोजी हिसार येथील सेक्टर 33 मध्ये राहणाऱ्या अंशुल धवन याच्याशी झाला होता. अंशुलचे कुटुंबही मूळचे हंसी येथीलच रहिवासी आहे. कुटुंबीयांच्या सांगण्यानुसार, लग्नानंतर दोघेही सुखी होते आणि त्यांच्यात कधीही वाद झाल्याचे समोर आले नव्हते. गेल्या महिन्यातच अंशुलने नवीन कारही खरेदी केली होती. रविवारी महक आणि अंशुल हिसारहून गुरुग्रामला जात असताना हंसी येथे माहेरी थांबले होते. मात्र, रात्री अचानक अंशुलच्या वडिलांचा फोन आला आणि त्यांनी महकची हत्या झाल्याचे सांगितले. यामुळे कुटुंबावर दुखाचा डोंगर कोसळला.

दोन महिन्यांची गर्भवती

महक गेल्या साडेपाच वर्षांपासून एचडीएफसी बँकेत डेप्युटी मॅनेजर म्हणून कार्यरत होती. तिने नरवाना येथेही सेवा बजावली होती आणि सध्या तिची बदली गुरुग्राममध्ये झाली होती. अत्यंत धक्कादायक बाब म्हणजे, महक दोन महिन्यांची गर्भवती होती. शेजाऱ्यांच्या मते महक अत्यंत शांत स्वभावाची होती. तिचे वडील कृष्ण कथुरिया भाजी मंडईत दुकान चालवतात, तर भाऊ अक्षय मेडिकल रिप्रजेंटेटिव्ह म्हणून काम करतो. एका उच्चशिक्षित आणि सुसंस्कृत कुटुंबातील या मुलीचा असा अंत झाल्याने परिसरात हळहळ व्यक्त होत आहे.

हे ही वाचा : 

हत्येचं नेमकं कारण काय?

सोमवारी सायंकाळी उशिरा महकवर अंत्यसंस्कार करण्यात आले. तिच्या पश्चात आई-वडील, मोठी बहीण श्रुती आणि भाऊ अक्षय असा परिवार आहे. पतीने इतके टोकाचे पाऊल का उचलले, याचे कारण अद्याप स्पष्ट झालेले नाही. पोलिसांनी याप्रकरणी गुन्हा दाखल केला असून तपास सुरू आहे. ज्या घरातून काही तासांपूर्वी हसत-खेळत निरोप घेतला होता, त्याच घरातून महकची अंत्ययात्रा निघालेली पाहून उपस्थित जनसमुदाय हेलावून गेला होता.