Personal Finance: Financial Freedom साठी नेमके किती पैसे लागतात?
Financial Freedom साठी नेमके किती पैसे लागतात? मासिक खर्च, महागाई, कर्ज आणि गुंतवणूक लक्षात घेऊन तुमचा ‘Financial Freedom Number’ कसा ठरवायचा, जाणून घ्या.
ADVERTISEMENT
मुंबई: आयुष्यभर नोकरी किंवा व्यवसाय करून पैसे कमावणे आणि त्यातून घरखर्च, कर्ज, मुलांचं शिक्षण, घर, गाडी अशा जबाबदाऱ्या पूर्ण करणं हे बहुतांश लोकांचं आर्थिक चक्र असतं. मात्र एक टप्पा असा असतो, जेव्हा पैशांसाठी काम करण्याची गरज कमी व्हावी आणि आपल्या इच्छेनुसार काम करण्याचं स्वातंत्र्य मिळावं, अशी प्रत्येकाची इच्छा असते. यालाच आर्थिक स्वातंत्र्य म्हणजेच Financial Freedom म्हटलं जातं.
पण Financial Freedom मिळवण्यासाठी नेमके किती पैसे लागतात? 1 कोटी पुरेसे आहेत का? 3 कोटी हवेत? की 5 कोटी रुपयांचा Corpus तयार करावा लागेल?
याचं एकच ठराविक उत्तर नाही. कारण Financial Freedom साठी लागणारा Corpus हा तुमच्या मासिक खर्च, जीवनशैली, वय, कुटुंबाच्या जबाबदाऱ्या, कर्ज, महागाई आणि गुंतवणुकीच्या परताव्यावर अवलंबून असतो. म्हणूनच प्रत्येक व्यक्तीने स्वतःचा ‘Financial Freedom Number’ ठरवणं महत्त्वाचं आहे.
Financial Freedom म्हणजे नेमकं काय?
Financial Freedom म्हणजे फक्त बँक खात्यात भरपूर पैसे असणं नाही. तुमच्या मूलभूत आणि आवश्यक खर्चासाठी नियमित पगारावर किंवा सक्रिय कामावर पूर्णपणे अवलंबून राहण्याची गरज उरू नये, अशी आर्थिक स्थिती म्हणजे Financial Freedom.