Personal Finance: SBI ते HDFC बँकेपर्यंत, सर्वात स्वस्त Home Loan कुठे मिळेल? व्याजदर आणि EMI सगळंच घ्या पाहून!
Home Loan Interest Rate: जर तुम्ही घर खरेदी करण्याचा विचार करत असाल, तर ही योग्य वेळ असू शकते. कारण टॉप 10 बँकांमध्ये 20 वर्षांच्या 50 लाख रुपयांच्या गृहकर्जावरील व्याजदर सध्या 7.3 टक्के ते 9 टक्के याच्या दरम्यान आहे. जाणून घ्या सध्याच्या घडीला कोणत्या बँका सर्वोत्तम व्याजदर देत आहेत.
ADVERTISEMENT
Personal Finance Tips for Home Loan Interest Rate: घर खरेदी करणे हे एक मोठे स्वप्न असतं आणि परवडणाऱ्या व्याजदराने गृहकर्ज घेतल्याने तुमचे लाखो रुपये वाचू शकतात. सणासुदीचा हंगाम जवळ आला आहे आणि बँका आणि वित्तीय संस्था गृहकर्जांवर आकर्षक ऑफर देत आहेत. आम्ही तुम्हाला सांगत आहोत की, कोणत्या बँका सर्वोत्तम व्याजदर देत आहेत.
मिळालेल्या माहितीनुसार, 9 सप्टेंबरपर्यंत, 50 लाख रुपयांच्या 20 वर्षांच्या गृहकर्जावरील व्याजदर 7.3 टक्के ते 9 टक्के आहेत. हे दर तुमच्या क्रेडिट स्कोअर आणि उत्पन्न कर यासारख्या घटकांवर अवलंबून असतात. RBI च्या आकडेवारीच्या आधारे या यादीत टॉप बँकांचा समावेश करण्यात आला आहे.
सार्वजनिक क्षेत्रातील बँकांचे व्याजदर
कॅनरा बँक आणि युनियन बँक ऑफ इंडिया- सार्वजनिक क्षेत्रातील बँकांमध्ये, कॅनरा बँक आणि युनियन बँक ऑफ इंडिया सर्वात कमी गृहकर्ज व्याजदर देत आहेत. व्याजदर 7.3 टक्क्यांपासून सुरू होतो आणि 50 लाख रुपयांच्या 20 वर्षांच्या कर्जावरील EMI सुमारे 39,670 रुपये आहे.
बँक ऑफ बडोदा- बँक ऑफ बडोदाचे गृहकर्ज 7.45 टक्के व्याजदरापासून सुरू होते. 50 लाख रुपयांच्या 20 वर्षांच्या कर्जावरील EMI 40,127 रुपये असेल.
हे वाचलं का?
