तुमच्या पैशांचं होणार तरी काय? Mutual Fund मधून लोकं काढतायेत धडाधड पैसे
Gold ETF and SIP Sale: गोल्ड ETF आणि SIP मध्ये गुंतवलेले पैसे लोकं काढत असल्याचं सध्या पाहायला मिळत आहे. पण यामागचं नेमकं कारण काय हे आपण जाणून घेऊया.
ADVERTISEMENT
मुंबई: फेब्रुवारीमध्ये दोन उत्कृष्ट गुंतवणूक पर्याय असूनही समान ट्रेंड दिसून आला आहे. गेल्या महिन्यात, गुंतवणूकदारांनी गोल्ड ETF आणि SIP मधून पैसे काढले आहेत, तर सोन्याच्या किंमती वाढत आहेत आणि इक्विटीमध्ये घसरण होत आहे.
खरं तर, गेल्या काही महिन्यांत शेअर बाजारातील मोठी घसरण आणि महागाईचा परिणाम याचा सामान्य माणसाच्या खिशावर खोलवर परिणाम झाला आहे. एकीकडे शेअर बाजारातील चढउतारांमुळे गुंतवणूकदारांना त्रास झाला आहे, तर दुसरीकडे सोन्याच्या किंमतीत विक्रमी वाढ होऊनही गोल्ड ETF मधील गुंतवणूक कमी झाली आहे.
SIP रद्द करण्याच्या प्रमाणात मोठी वाढ
या कठीण परिस्थितीत, लोक त्यांच्या पैशांबद्दल गोंधळलेले आहेत आणि त्यांना समजत नाही की त्यांनी पुढे काय करावे? आकडेवारीनुसार, फेब्रुवारीमध्ये गोल्ड ETF मधील गुंतवणूक 47 टक्क्यांनी घसरून 1979 कोटी रुपयांवर आली आहे. त्याचप्रमाणे, सिस्टीमॅटिक इन्व्हेस्टमेंट प्लॅन म्हणजेच SIP कॅन्सलेशन रेशोमध्ये मोठी वाढ झाली आहे आणि लोक म्युच्युअल फंडमधून पैसे काढत आहेत.
हे ही वाचा>> Personal Finance: शिक्षण आणि लग्नासाठी 5 हजार गुंतवा, मिळतील 50 लाख रुपये!
जर आपण सोन्याबद्दल बोललो तर, अलिकडेच सोन्याच्या किमती उच्चांकी पातळीवर पोहोचल्या आहेत. 10 ग्रॅम सोन्याची किंमत 86,875 रुपयांवर पोहोचली आहे. असे असूनही, फेब्रुवारीमध्ये गोल्ड ETF मधील गुंतवणूक जानेवारीमध्ये 3751 कोटी रुपयांवरून 1979 कोटी रुपयांवर घसरली आहे.
हे वाचलं का?
