Beed : पंकजा मुंडे-धनंजय मुंडेंच्या बीडमध्ये उद्धव ठाकरेंना मिळालं बळ

Shiv Sena (Uddhav balasaheb thackeray) : एकनाथ शिंदेंनी बंड केला. नवा गट उदयाला आला. इतकंच नाही, तर एकनाथ शिंदेंनी थेट आम्हीच खरी शिवसेना (Shiv Sena) असल्याचा दावा केला. शिंदेंच्या बंडानंतर मूळ शिवसेनेला ठिकठिकाणी खिंडारं पडली. मूळ शिवसेना बाजूला गेली आणि शिंदे गट-ठाकरे गटाने आपली ताकद वाढवण्याकडे लक्ष्य केंद्रीत केलं. शिंदेंच्या शिवसेनेत इनकमिंग सुरू असताना आता पंकजा मुंडे-धनंजय मुंडेंचा (Pankaja Munde, Dhananjay Munde) दबदबा असलेल्या बीड (Beed) जिल्ह्यात ठाकरेंच्या शिवसेनेत (Shiv Sena UBT) स्थानिक नेत्यांची मोठी भरतीच झाली.

बीड म्हटलं की, मुंडे, क्षीरसागर आणि पंडित घराणी नजरेसमोर येतात. सध्या बीड जिल्ह्यात चर्चेत असतात पंकजा मुंडे आणि धनंजय मुंडे. काही दिवसांपूर्वी पंकजा मुंडे शिवसेनेत प्रवेश करणार, अशा चर्चा जोरात सुरु झाल्या. त्या चर्चांवर पंकजा मुंडे कधी बोलल्या नाहीत, पण पंकजा मुंडे नाराज असल्याची कुजबूज नेहमीच होतं आहे. पण, आता पंकजा मुंडे यांच्या आधी बीडमध्ये ठाकरेंचं काही प्रमाणात बळ वाढलंय.

बीडमधल्या एमआयएम, शिवसंग्राम आणि संभाजी ब्रिगेडच्या कार्यकर्त्यांनी शिवसेना (उद्धव बाळासाहेब ठाकरे) पक्षात प्रवेश केला आहे. यानिमित्ताने बीडमधून शिवसेनेत मोठं इनकमिंग झाल्याचं बघायला मिळालं.