Manoj Jarange : CM शिंदेंनी केला फोन, जरांगेंनी दिला नकार; कॉलवर काय झालं बोलणं?
Manoj Jarange Patil Eknath shinde Maratha Reservation latest update : मुख्यमंत्री एकनाथ शिंदेंनी मनोज जरांगे यांना कॉल केला. मात्र, त्यांनी नकार दिला. आता व्हिडीओ कॉन्फरन्सिगद्वारे उपस्थित राहणार आहेत.
ADVERTISEMENT
Manoj Jarange Eknath shinde Maratha Reservation : मराठा आरक्षणाच्या प्रश्नाने शिंदे सरकारचा ताण आणखी वाढवला आहे. कारण मनोज जरांगे आता थेट मुंबईत येऊन आंदोलन करणार आहेत. त्याआधी सरकारने जरांगेंच्या मनधरणीसाठी प्रयत्न सुरू केले असून, मंगळवारी होणाऱ्या बैठकीसाठी सरकारने मराठा आरक्षण उपसमितीच्या बैठकीसाठी येण्याचे निमंत्रण जरांगेंना दिले. पण, बंद दाराआड चर्चा करण्यास नकार देत जरांगेंनी निमंत्रण फेटाळलं. त्यानंतर शिंदेंनी जरांगेंना फोनही केला. नेमकं काय बोलणं, याबद्दल माहिती समोर आली आहे.
मराठा आरक्षण न्यायालयीन प्रक्रिया, कुणबी जात प्रमाणपत्र देण्याची सुरू असलेली कार्यवाही आणि आरक्षणाशी संबंधित इतर मुद्द्यांसंदर्भात मुख्यमंत्री एकनाथ शिंदे यांनी मंगळवारी (2 जानेवारी) बैठक बोलावली आहे. 4 वाजता मुंबईत ही बैठक होणार आहे. या बैठकीला उपस्थित राहण्यासाठी मनोज जरांगे पाटील यांना निमंत्रण देण्यात आले. या बैठकीत भूमिका मांडावी, अशी विनंतीही सरकारने केली आहे. मराठा आरक्षण मंत्रिमंडळ उपसमितीचे सदस्य शंभूराज देसाई यांनी जरांगे यांना पत्र पाठवले आहे. पण, मनोज जरांगेंनी मुंबईत येण्यास नकार दिला.
मनोज जरांगेंनी का दिला नकार?
दरम्यान, माध्यमांशी बोलताना मनोज जरांगे यांनी या बैठकीबद्दल माहिती दिली. ते म्हणाले, “मुख्यमंत्री, दोन्ही उपमुख्यमंत्री आणि मंत्री उपस्थित राहणार आहेत, अशी माहिती शंभूराज देसाई यांच्याकडून कळाली. मराठा आरक्षणासंदर्भात बैठक असणार आहे, असं त्यांनी सांगितलं आहे. कार्यक्रम असल्यामुळे जाणं झालं नाही. त्या बैठकीला जाऊन तरी काय करणार? त्यांचा आग्रह होता की, बैठकीला आलंच पाहिजे. फोन पण केले होते.”
हे वाचलं का?
