Ketki chitale ला आता Atrocity कायद्यानुसार अटक, ठाणे कोर्टाने सुनावली ५ दिवसांची कोठडी

मुंबई तक

ADVERTISEMENT

Mumbaitak
social share
google news

अभिनेत्री केतकी चितळेच्या अडचणींमध्ये वाढ झाली असून तिला आता Atrocity कायद्यानुसार अटक झाली आहे. ठाणे सत्र न्यायालयाने केतकी चितळेला पाच दिवसांची पोलीस कोठडी सुनावली आहे. ठाणे सेंट्रल जेलमधून केतकीला रबाळे पोलिसांनी गुरूवारी ताब्यात घेतलं होतं. त्यानंतर तिला आज न्यायालयात हजर करण्यात आलं.

शरद पवारांबाबत विकृत पोस्ट शेअर करणारी केतकी चितळे याआधी किती वेळा बरळलीय?

राष्ट्रवादी काँग्रेसचे अध्यक्ष शरद पवार यांच्याविरोधात आक्षेपार्ह आणि वादग्रस्त पोस्ट शेअर केल्या प्रकरणी केतकी चितळेला अटक करण्यात आली आहे. मुंबईसह राज्यातल्या इतर जिल्ह्यांमध्येही केतकी चितळेविरोधात गुन्हे दाखल करा. सत्र न्यायालयाने केतकीला १४ दिवसांची न्यायालयीन कोठडी सुनावली होती. त्यानंतर गुरूवारी रबाळे पोलिसांनी तिला ताब्यात घेतलं.

हे वाचलं का?

ADVERTISEMENT

केतकी चितळेविरोधात २०२० मध्ये अनुसुचित जाती अत्याचार प्रतिबंधक कायद्यानुसार गुन्हा दाखल झाला होता. केतकीने सोशल मीडियावर अनुसुचित जातींच्या विरोधात आक्षेपार्ह पोस्ट केली होती. या पोस्ट प्रकरणी अॅडव्होकेट स्वप्नील जगताप यांनी रबाळे पोलीस ठाण्यात तक्रार नोंदवली होती. त्यानंतर रबाळे पोलिसांनी गुरूवारी कारवाई करत तिला अटक केली. यामुळे आता केतकी चितळेच्या अडचणी आणखी वाढल्या आहेत.

काय आहे प्रकरण?

ADVERTISEMENT

केतकी चितळेने तिच्या सोशल मीडिया हॅण्डलवरून शेअर केलेली पोस्ट अॅड नितीन भावे नावाच्या व्यक्तीची आहे. या पोस्टमध्ये शरद पवार यांच्यावर टीका करताना त्यांच्या आजाराबद्दल विकृत भाषेत लिहिलेलं असून, त्यावरून केतकी चितळे आता टीकेची धनी ठरली आहे. त्याचबरोबर केतकी चितळे ठाणे जिल्ह्यातील कळवा पोलीस ठाण्यात गुन्हा दाखल झाला आहे. तिला अटकही करण्यात आली आहे.

ADVERTISEMENT

केतकीने पोस्ट केलेली पोस्ट

“तुका म्हणे पवारा l नको उडवू तोंडाचा फवारा ll

ऐंशी झाले आता उरक l वाट पहातो नरक

सगळे पडले उरले सुळे l सतरा वेळा लाळ गळे ll

समर्थांचे काढतो माप l ते तर तुझ्या बापाचेही बाप ll

ब्राह्मणांचा तुला मत्सर l कोणरे तू ? तू तर मच्छर ll

भरला तुझा पापघडा l गप! नाही तर होईल राडा ll

खाऊन फुकटचं घबाड l वाकडं झालं तुझं थोबाड ll

याला ओरबाड त्याला ओरबाड l तू तर लबाडांचा लबाड ll

-अॅड. नितीन भावे (Advocate Nitin Bhave)

पोस्टची पार्श्वभूमी काय?

मूळ पोस्ट अॅड. नितीन भावे या व्यक्तीची असून केतकीने शेअर केली आहे. काही दिवसांपूर्वी शरद पवार यांनी साताऱ्यात केलेल्या भाषणात कवी जवाहर राठोड यांची एक कविता वाचून दाखवली होती.

या कवितेतून कवीने देवी-देवतांवर टीकात्मक भाष्य केलेलं आहे. याच कवितेवरून सोशल मीडियावरून पवारांवर टीका केली जात होती. पवारांच्या भाषणाचा निवडक भाग शेअर करून ही टीका केली गेली. त्याच प्रकरणावरून केतकीने ही पोस्ट शेअर केली आहे. आता या सगळ्या प्रकरणी तिच्यावर अंबाजोगाईमध्येही गुन्हा दाखल झाला आहे.

    follow whatsapp

    ADVERTISEMENT