BMC Election : मुंबई महापालिका निवडणुकीत शिंदे लावणार ताकद; 8 जणांवर नवी जबाबदारी

मुख्यमंत्री एकनाथ शिंदे यांनी मुंबईसाठी पाच विभागप्रमुख, आणि तीन विभाग संघटकांची नियुक्ती केली असून, त्यांच्यावर पक्ष बांधणीची जबाबदारी सोपवण्यात आली आहे.

सर्वोच्च न्यायालयातील सुनावणीमुळे निवडणूक लांबण्याची शक्यता असताना दुसरीकडे राजकीय पक्षांनी शिवसेनेसह इतर राजकीय पक्षांनी निवडणुकीत (BMC Election) यश मिळवण्यासाठी रणनीतीवर काम सुरू केलं आहे.

मुंबईचा पुढचा महापौर भाजपचाच असेल, असा विश्वास भाजपकडून व्यक्त करण्यात आलाय. तर शिवसेनेकडून महापालिकेतील सत्ता पुन्हा राखण्याचे प्रयत्न होताना दिसत आहे. महापालिका निवडणुकीत शिंदे गट लढणार असून, निवडणुकीच्या अनुषंगानं नियुक्त्या केल्या जात आहे.