डेटिंग अॅपवर झाली मैत्री अन् जडलं प्रेम, पण गरोदर राहिल्यानंतर छळ अन्...

डेटिंग अॅपवर झाली मैत्री 

न्यूज एजन्सीने दिलेल्या माहितीनुसार, या घटनेतील पीडिता म्हणजेच  वर्षीय डॉक्टरने ‘हिंगे’ नावाच्या डेटिंग अॅपवर आपली प्रोफाइल बनवली होती. याच अॅपच्या माध्यमातून तिची ओळख मुंबईतील डोंगरी येथे राहणाऱ्या 27 वर्षीय तरुणाशी झाली. त्याचं नाव खालिद खानयारी असल्याचं सांगितलं जात आहे. दोघांमध्ये हळूहळू संवाद वाढत गेला आणि त्या दोघांनी एकमेकांच्या संमतीने संबंध बनवले. यादरम्यान आरोपी तरुणाने त्या महिलेचे काही खाजगी फोटोजसुद्धा काढले.

हे ही वाचा: महिला फिजियोथेरापिस्टने पेशंटलाच पटवलं! नंतर पत्नीने काढला पतीचा काटा; हत्या केल्यानंतर घडलं असं काही..

डॉक्टरसोबत नेमकं काय घडलं? 

महिला डॉक्टरने केलेल्या आरोपांनुसार, त्या दोघांनी एकमेकांच्या संमतीने शारीरिक संबंध प्रस्थापित केले आणि यामुळे 2024 मध्ये ती गर्भवती राहिली. मात्र, त्या तरुणाने तिला बळजबरीने गर्भपात करण्यास भाग पाडले. या सगळ्या प्रकारानंतर तो महिलेकडे दुर्लक्ष करु लागला आणि तिच्याशी बोलणं टाळू लागला. मात्र, या काळात त्या आरोपी तरुणाचं कोणत्या दुसऱ्याच मुलीसोबत लग्न ठरलं असल्याचं पीडितेला कळालं.

हे ही वाचा: हॉटेलमध्ये मोठा कांड! खिडकीवर पडदा नव्हता, लोकांनी सगळंच पाहिलं..कपलचा प्रायव्हेट Video लीक

अखेर पोलीस स्टेशनमध्ये तक्रार दाखल  

त्यानंतर महिलेला त्या आरोपीने लग्नाचं वचन देऊन धोका दिल्याची जाणीव झाली. या सगळ्या घटनेबद्दल पीडितेने आरोपीला जाब विचारला असता, त्याने तिला तिचे खाजगी फोटोज सर्वत्र व्हायरल करण्याची धमकी दिली. या सगळ्या प्रकारामुळे त्रस्त असलेल्या महिला डॉक्टरने सहन न झाल्यामुळे 20 जून रोजी अंधेरीच्या एमआयडीसी पोलीस स्टेशनमध्ये तक्रार दाखल केली. पोलिसांनी त्या आरोपी तरुणाच्या विरोधात न्यायसंहितेच्या कलमांतर्गत बळजबरीने गर्भपात करणे, धमकी देणे आणि लग्नाचं वजन देऊन धोका देणे या गुन्ह्यांसाठी तक्रार दाखल केली आहे.