नवी मुंबईतील फार्महाऊसच्या बाथरूममध्ये स्पाय कॅमेरा... मॅनेजरच्या मोबाईलमध्ये सापडले महिलांचे 17 घाणेरडे व्हिडीओ!
नवी मुंबईतील पनवेल येथे असलेल्या एका फार्महाऊसच्या बाथरूममध्ये स्पाय कॅमेरा आढळून आल्याची बातमी समोर आली आहे. या घटनेतील आरोपी मॅनेजर हा महिला आणि मुलींचे वॉशरूममधील व्हिडिओ काढत असल्याचा आरोप करण्यात आल आहे.
ADVERTISEMENT
बातम्या हायलाइट
नवी मुंबईतील फार्महाऊसच्या बाथरूममध्ये स्पाय कॅमेरा...
मॅनेजरच्या मोबाईलमध्ये महिलांचे 17 घाणेरडे व्हिडीओ...
Mumbai Crime: नवी मुंबईतील पनवेल येथे असलेल्या एका फार्महाऊसच्या बाथरूममध्ये स्पाय कॅमेरा आढळून आल्याची बातमी समोर आली आहे. या घटनेतील आरोपी मॅनेजर हा महिला आणि मुलींचे वॉशरूममधील व्हिडिओ काढत असल्याचा आरोप करण्यात आल आहे. या प्रकरणातील आरोपीला अटक करून त्याला न्यायालयात हजर करण्यात आलं आहे. आरोपीला तीन दिवसांची पोलीस कोठडी सुनावण्यात आली असून त्याच्याविरुद्ध पोक्सो तसेच बऱ्याच कलमांखाली गुन्हा दाखल करण्यात आला आहे.
फार्महाऊसच्या बाथरूममध्ये स्पाय कॅमेरा
आरोपी मॅनेजरचं नाव मनोज चौधरी असून धनसागर गावात ‘रियांश फार्म हाऊस’ चालवतो. मनोज फार्महाऊसमध्ये येणाऱ्या महिलांचे प्रायव्हेट व्हिडिओ बनवायचा. एसीपी विक्रम कदम यांच्या माहितीनुसार, गेल्या आठवड्याच्या शेवटी पनवेलमधील रियांश फार्म हाऊसमध्ये एक कुटुंब राहण्यासाठी आलं होतं. रात्री जवळपास 2 वाजताच्या सुमारास, त्या कुटुंबातील एक महिला बाथरूममध्ये गेली आणि तिथे कोपऱ्यात एक लाईट जळत असल्याचं तिला दिसले. यावरून तिला संशय आला आणि जवळून तपास केल्यावर ती लाईट स्पाय कॅमेऱ्याची असल्याचं आढळून आलं.
महिलांचे प्रायव्हेट व्हिडिओ बनवायचा
यामुळे घाबरलेल्या महिलेने तातडीने फार्महाऊसचा मॅनेजर मनोज चौधरीला बोलवलं. जेव्हा पीडिता मॅनेजरच्या खोलीत पोहोचली तेव्हा तिला मनोज त्याच्या मोबाईलवर महिलांचे व्हिडिओ पाहत असल्याचं दिसून आलं. तिने जवळून पाहिल्यानंतर फोनवर तेच बाथरूममधील महिलांचे व्हिडिओ दिसले. यामुळे पीडितेला मोठा धक्का बसला. महिलेने लगेच तिच्या कुटुंबियांना संबंधित घटनेची माहिती दिली आणि पोलीस ठाण्यात तक्रार दाखल केली. पोलिसांनी कारवाई करत आरोपी मनोज चौधरीला ताब्यात घेतलं आणि त्याचा मोबाईल फोन तपासला.
हे ही वाचा: अल्पवयीन विद्यार्थ्याचं अपहरण करण्याची धमकी आणि पैशांची मागणी... ठाण्यातील आरोपीला अटक
पोलीस अधिकाऱ्यांनी दिलेल्या माहितीनुसार, तपासादरम्यान आरोपीच्या मोबाईल फोनमधून जवळपास 17 व्हिडिओ जप्त करण्यात आले. चौकशीदरम्यान त्याने बरेच व्हिडिओ डिलीट केल्याची सुद्धा कबुली दिली. आता पोलिसांनी सायबर तज्ञांच्या मदतीने डिलीट केलेला डेटा रिकव्हर करण्याची प्रक्रिया सुरू केली असल्याची माहिती आहे. आरोपीच्या फोनमधून अल्पवयीन मुलींचे व्हिडीओ सुद्धा आढळून आले आहेत.
हे वाचलं का?
